Day 29 美食在秘魯(秘魯Puno)

(Day 29) 2011-03-06

住宿 ：長途巴士上
行程 ：Puno —> Unos Island —> Puno —> Cuzco

高度 ：海拔3660M

晨早0830起床，爭取僅餘既時間用Netbook既視頻，睇左十分鐘利物浦對曼聯既大戰…

秘魯Puno係的的喀喀既湖畔城市，也是南部通往玻利維亞既邊境城市，所以有不少遊客都專程到訪，或感受的的喀喀湖或過境~ 我就係過境之餘，也想感受埋秘魯這邊既的的喀喀湖啦~

於0850時有專車來到酒店，接我地去碼頭搭船去Unos Island~ 呢個Local tour $20-Sol($60-HKD)包專車及船接送,仲有英語導遊，價格合理!

搭船所見，發現秘魯這邊既的的喀喀湖與玻利維亞那邊有截然不同的風光，除了大家都擁有碧綠既湖水,藍藍的天空及冷冷的氣溫外，秘魯這邊所到之處全是長滿高高既蘆葦，像是一大片草地，而湖上不斷看見小島，這些小島就像一張紙咁薄既陸地浮在湖面上，不知是否書中所講用蘆葦造既漂浮島呢?

只看見細小既島上飼養有牛,豬等動物! 船所行既航道恍惚是開出來的運河咁呀!

接近海拔4000米既的的喀喀湖~

去到Unos的其中一個用蘆葦造既漂流島，未埋岸已經有島上居民列隊歡迎，與玻利維亞那邊既冷漠有天壤之別呀! 當然咁Nice既背後就係太過商業化啦…

 

落船時用雙腳踏在島上軟林林好得意~ 不禁想… 這個島真的浮在水面嗎?

各團友先於島上圍個半圓坐下，每人派一支新鮮既蘆葦，話當地人喜歡食接近根部既白色部份喎! 一試之吓幾清涼，有種像西瓜白色部份嗰種味道~

 

有趣既係島上居民即場示範，甚樣用蘆葦建造一個島，仲有一班女人做埋話劇，講述原本同另一個島既居民一齊生活，因有些爭執而割蓆… 唔係! 係割島至真! 哈哈~ 用把鋸鋸開個島就分開左啦~

睇完介紹後，當然不停兜售我們買手信啦! 好可惜係玻利維亞那邊已經買晒用蘆葦做既手信Lu… 而且這裡開價勁貴呀!!!

 

總共去了兩個用蘆葦造既漂浮島，島與島之間仲坐埋蘆葦船Tim~ 玩到中午時分，1230乘專車返抵酒店~

食午餐時專程行遠一點，遠離遊客區就搵到好多更地道、更便宜既餐廳~

呢個亦都係不變既定律! 呢D餐廳大多無招牌，要細心望入室內才知到係餐廳! 門外全都掛著一個西班牙文既Set menu，不過就無價錢…

一問之下原來只係$3-Sol ($9-HKD)，緊係要入去試吓啦~ 坐低無耐先送上飲品! 前菜及雞翼薯仔蛋湯意…

以為咁就完? 以為呢個雞翼薯仔蛋湯意就係main course? 咁就錯晒啦!!! 原來呢個湯意就係所謂既湯啦~ 之後仲有主菜同甜品架!老實講，如細食D既話，去到湯麵果Part已經包啦! 我咁大食啱晒我~ 而且只係$3-Sol真係抵到爛呀!!! 諗住今晚再食過，不過1600就關門啦…

仲有主菜同當地特色甜品

 

來到秘魯已食過幾餐，發現全是set menu最基本都有飲品、湯、主菜同甜品，相比係早前去過既南美其他國家，食物多元化之餘又便宜~ 當然你搵到地道餐廳就更便宜啦!所以價廉物美既秘魯，係食既方面上我就最滿意勒~

由於今晚2200才搭夜車離開，所以仲有大半日時間，於是再去逛吓中心既遊客區… 可能今日星期日，去到一個廣場見到好多當地人享受家庭樂，就係餵白鴿啦! 唔知有無禽流感呢? 睇左陣餵白鴿，就返酒店不停上網同打機…

主要旅遊大街

餵白鴿

係酒店消磨左不少時間，天開始黑起來； 由於今晚搭夜車離開，當然諗住食飽飽先走啦! 但唔知今日乜野節慶，係條街度個個We嘩鬼叫! 仲個個攞住支好似胡椒噴霧咁瘋狂噴出泡沫去其他人身上，小至啱啱識行既小朋友，大至成年人，個個都成身被噴到泡沫!好在佢地唔噴手上無揸噴霧既遊客jet⋯ 不過係餐廳食晚餐望落街時，就見有日本同其他外國遊客都遭殃呀!!! 嘩!!! 大佬… 一陣要搭夜車走，千其唔好噴我地呀!!!

好在最後平安返到酒店，攞返行李就搭的士去長途巴士話Lu~

酒店老闆既女女~

是日晚餐, 最鍾意既甜品~