Day 22 高海拔溫泉 (玻利維亞西南山區)

2011-02-27(Day 22)住宿 : Huaylljara 小村莊
(團費已包)行程: San Antonio De Lipez --> Huaylljara最高高度：海拔over 5000M

今日行程好緊密,為了遷就中午要到達高原溫泉,所以要天未光0430就起床啦！

唔知係咪4000米既高山反應,尋晚不能熟睡,成晚輾轉反側，不停醒•••

清晨起床好凍呀！加埋落雨,溫度只係得幾度！ 清晨時天氣壞透了,係住宿小村4000米就落雨,出發後不停往山行駛,當到達海拔4800米

則變為狂風暴雪!


一陣子就去到一個被喻為mini馬丘比丘既地方,又真係幾似噃~ 話明似馬丘比丘,當然係一個荒廢既印加遺跡啦！


係mini 馬丘比丘,加上落雪既寒冷天氣,感覺份外凄美呀！仲係遺址既屋頂,見到隻孤獨既野兔Tim!

海拔4855米, 好高呀!!!

我係第一次親身感受到落緊雪既感覺咋！ N年前去韓國,雖然大雪要攪到封機場,不過到步已經停雪lu•••

離開mini 馬丘比丘,沿途路經好多荒廢既礦洞,司機話係當年西班牙人搾乾搾淨後既痕跡,我諗呢D就係玻利維亞人,永不磨滅既傷痛回憶•••

之後又路經4個不同既湖,大家都無落車睇lu...

國家地理頻道,親眼見證一個小生命誕生~ Baby仲成身黏液架!

中午前到達溫泉,要比每人$120BS入場費,唔浸都要比! 因為係行程必經既•••

咁難得係大自然下浸溫泉,加上尋日無得沖涼,高原既氣溫又寒冷,緊係唔放過呢個機會啦！
一路浸一路欣賞廣闊高原既風景,旁邊既湖有好多野鳥棲息,真係寫意~

呼~ 浸完疲勞盡消! 寒氣都盡消~ 成身感覺”興合合”呀！舒服晒~浸完後同隔離車一同午膳,午餐都幾豐富~

食飽完就繼續行程,剛好超越海拔5000米! 先到一個只係戲裡先睇到
好似佈滿隕石既外星地方,地面不停噴煙及噴硫磺既地熱噴泉,我緊係落車感受吓啦！真係好似去左另一個世界咁呀！



最後一站係紅鶴湖,紅鶴湖好大,有成千上萬隻紅鶴棲息,連D湖水都變晒紅色呀！

又黎國家地理頻道, 捕捉交配一刻!

司機話駝羊好聰明, 識去返同一個地方解決架!

傍晚時去到住宿既地方,即時攞今日浸完溫泉,濕既泳褲出來涼先~大家係長枱度吹下水,阿Kim就同我一樣寫遊記; 晚飯後又一如我既特別節目,睇星星，影星星~