2012年5月24日 星期四

續Day 23 傳說中的天空之鏡 (玻利維亞Uyuni)

2011-02-28(Day 23)
住宿 :特色鹽酒店
行程 Huaylljara --> Uyuni

最高高度: 海拔3650米
原來住宿的鹽酒店,就座落於鹽湖旁,五分鐘車程就進入積水範圍~ Yeah!!! 千辛萬苦,終於到達傳說中的天空之鏡喇!


進入其間,見遠處有其他車輛回程,加上藍天白雲,位於海拔四千幾尺高空,令到湖水的反射與天空很接近~ 於湖水上留下藍天白雲及車輛的倒影,車就好像在空中行駛一樣呀!!! 這樣,就形成了天空之鏡的奇景啦! 真是既感動又興奮~



於是繼續前進,原來湖中還有另一所鹽酒店架! 酒店出面有個位置比人插國旗,原來這所就是經常在網上見到的鹽酒店! 相信是Uyuni,最知名的酒店吧~
出發前搜集資料時,明明看到剛有香港人去完,還插上區旗Tim! 不過用盡金精火眼,都找不到香港區旗•••可能比人掉了...






車輛就在這兒停下,自由活動開始! 同車的荷蘭夫婦很懂得享受,入酒店先飲番杯~ 我們真的急不及待,要踏足傳說中的天空之鏡,感受一下騰雲架霧的感覺~



要看到傳說中天空之鏡的奇景,其實要好看天時地利人和=緣分! 基本上決一不可!應該話是困難重重!


天空之鏡的真身,其實係個有十個香港咁大的鹽湖; 高原氣候通常天氣乾燥晴朗,鹽湖被白雪一樣的鹽所覆蓋,當到每年夏天,全年只得僅僅這一至兩個月會下雨,雨後先會出現「天空之鏡」的奇景架! 所以一定要夏天去!出發前究竟下了雨沒有呢?有沒有足夠積水呢? 正正於出發前一年
遇正玻利維亞乾旱無下雨•••
困難開始•••


不過夏天去又下過雨,又不一定看到! 夏天當然一定經常落傾盆大雨,太多雨水,鹽湖會太多積水,就算四驅車也不能進入!
多了一層困難•••


雨季去到,有這適積量的積水,又未必看得到天空之鏡! 明是雨季當然經常下雨啦!試問烏雲蓋頂無陽光,點樣在湖面反射倒影呢?要雨季又要好天氣,
又多一層困難•••


好天有太陽又如何呢?天空之鏡最重要的元素,就是一定要陽光普照同藍天白雲,試問有陽光但萬里無雲,整個畫面只有藍色,反射不到天空的白雲,又怎樣叫做"天空之鏡呢?
要有藍天加上白雲的出現,
又再多了一重困難!


有了以上元素還未可以!在三四千尺的高原上,當然是經常有機會吹大風••• 大風的湖面有怎會有倒影呢? 某雜誌去採訪時,就正正遇上這個情形!海拔三四千尺的鹽湖要有波平如鏡,
無疑是係再增加一個困難!


天時問題已經那麼多,還有人為呢?玻利維亞邊防人員針對中國人,又入不入到境呢? 三至四日崎嶇山路車程,會不會受不了呢 海拔34••• 甚至5千尺的高山反應呢?


所以要看到天空之鏡的奇景,真是要有齊天時地利人和,真是有十級難度呀! 以上的困惑,到達之前都一直擔心••• 好在我能一次過衝破困難,我真是與天空之鏡有緣呀~


於是在天空之鏡不停拍照留念,拍照期間單鏡相機竟然無電!!!最重要的行程竟然無電••• 當然逃不了被駡的厄運••• 最後用一部鏡頭有好似阿米巴蟲的傻瓜機拍照... •••


離開天空之鏡時,我們全部選擇坐上車頂,珍惜與天空之鏡最後相處... 臨走時見遠處有一大片烏雲飄來! 唯有祝明早來的另一輛車子好運啦!





返回鹽酒店看到風乾後的雙腳,也滿是鹽粒,成身感覺醃住,今日又無得洗澡,唯有醃鹹魚啦•••

31 則留言:

  1. 好幸運呀你!!
    [版主回覆06/07/2012 21:59:11]

    回覆刪除
  2. 噢!地利 Oh!tria2012年5月26日 上午2:24

    好靚呀.
    [版主回覆06/07/2012 21:58:58]

    回覆刪除
  3. 你越講我越擔心...
    [版主回覆06/07/2012 21:58:33]可能你都有緣呢~

    回覆刪除
  4. 好棒!!!@0@我都 好想親眼見到自然美!!!
    銀仔加油!!特別既行程,只能靠你去遊世界!!>V<
    [版主回覆06/15/2012 12:07:58]多謝你!

    回覆刪除
  5. bravo~
    [版主回覆06/15/2012 12:08:04]

    回覆刪除
  6. wow..... 正!!!
    [版主回覆06/15/2012 12:08:15]

    回覆刪除
  7. 天空之鏡真係好靚 ...
    [版主回覆06/15/2012 12:08:52]係奇景!

    回覆刪除
  8. 我都去過鹽湖... (不過在澳洲)
    當時沒布薄薄的一層水在表面...

    做不到天空之鏡的效果 >_<
    envy u >_<!
    [版主回覆06/15/2012 12:10:36]咦!唔係高海拔既地方...唔知有無天空之鏡既效果噃•••

    回覆刪除
  9. HAHA I like what you said "天時地利人和"
    [版主回覆06/15/2012 12:11:27]我覺得啫~

    回覆刪除
  10. 嘩!!!!!!我其中一個好想去o既地方呀, 不過....的確怕唔捱得苦, 加上當南美夏天的時候, 一定冇咁多假期。唔知呢個願望幾時先實現到喇!
    blog主, 妳d相真係好好好靚呀
    [版主回覆06/15/2012 12:13:05]Plan定差不多啦~ 多謝你讚我d相靚呀~
    不過我想問問,點解突然咁多人留言既?

    回覆刪除
  11. 太美了! 有個「大」字型人仔那幅好得意 ^^
    玻利維亞太遠的話... 去中文大學的天人合一亭也有相似效果! xD
    [版主回覆06/15/2012 12:13:54]我要去睇吓先~係咪係人都入得?

    回覆刪除
  12. 我都想去呀,我想知e+去Bolivia簽證係咪要係beijing搞?
    [版主回覆06/15/2012 12:14:25]無錯! 之前我都提及過~

    回覆刪除
  13. 夢一樣的地方....超超超想去一次!!!!
    [版主回覆06/15/2012 12:14:35]快去!

    回覆刪除
  14. 嘻嘻, 因為blog主你上左yahoo blog推介呀, 恭喜
    [版主回覆06/16/2012 23:35:02]係喎... 一早見yahoo有旅遊呢個主題,咪貪玩掉一篇去試吓囉, post呢篇時已過左旅遊呢個主題, 估唔到咁都選中喎!

    回覆刪除
  15. "正"...
    [版主回覆06/16/2012 23:35:13]

    回覆刪除
  16. 真係好靚!! Bolivia係我下個(或者下下個)南美的目標。
    [版主回覆06/16/2012 23:35:44]咁要plan定啦~ 一定要去!

    回覆刪除
  17. 真係好靚!! 有機會都好想去
    [版主回覆06/16/2012 23:36:27]行動啦~

    回覆刪除
  18. 蝦子餅發夢都想去的地方,我都想去,辛苦嘛?
    [版主回覆06/17/2012 18:47:20]未••• 曾經去埃及時因為班機Daley 左3日而取消左••• 去遠同無咁安全既地方,我諗起碼都要五年級先得啦!
    [友達回覆06/17/2012 18:39:38]Haha, 單身又冇小朋友要顧及當然去邊都得,當年渡蜜月係去埃及㗎,仲比朋友話去食沙,現在就算可以唔帶小朋友都去唔到遠同唔係咁安全嘅地方。去過以色列死海那邊嗎?
    [版主回覆06/17/2012 18:21:48]我都鍾意自駕遊,但有d地方係唔可行•••包括阿根廷,啱啱去既俄羅斯••• 比較先進發達既國家租車完全無問題,價錢仲幾平Tim! 不過我近來去親都相對無咁發達••• 我都有睇呀!不過對你以前南斯拉夫果d遊記有興趣d~
    [友達回覆06/17/2012 12:18:37]輕極都成十磅啦!得閒睇睇友達 blog, 近年旅遊都是自駕遊,除咗不用拖行理撘車,見到想停就停。都好懷念當年坐火車背包遊歐州玩了一個月。
    [版主回覆06/17/2012 11:55:32]果然英雄所見略同!!! 太陽粒子高峰期,當然係睇北極光啦!
    你講得全中,對女仔來講無得沖涼的確係一種考驗!我會帶單機,輕型腳架等•••唔會帶太多!其實租車我都鍾意架~
    [友達回覆06/17/2012 11:41:12]所以去南美旅行覺得價錢上係遙不可及㗎,你又真係好勁,只係用咗四萬幾??又乜可能機票都去咗起碼四份一。辛苦係高山症呀,當年去黃龍一到步高山症,頭痛得要命 ... 男同女唔同,無得冲涼... 好難忍 .. 也喜歡你的旅遊態度,你是否去旅行會一背攝影嘢同行?有幾重你知,所以蝦子餅通常唔敢撘公車,要租車囉! 下個target 去邊? plan 緊十月去冰島睇極光!
    [版主回覆06/17/2012 11:28:17]係一個人4萬
    [版主回覆06/17/2012 11:20:43]用廿萬!應該係超級豪華喎!!! 旅行既野豐儉由人,我就鍾意尋找接近當地居民既生活方式去玩,如搭公車,地鐵等•••我42日全程都係用左4萬蚊咋!咦!你唔辛苦得咪可能錯過呢個世界上好多景點囉? 如撒哈拉沙漠等•••
    [友達回覆06/17/2012 08:48:33]這兩個 point 正是問辛唔辛苦嘅原因,兩個都係死穴喎!蝦子餅上年有朋友去過,加全南美州,復活島都去埋,一個月兩人駛咗廿萬!
    [版主回覆06/16/2012 23:38:12]唔太辛苦喎...但要忍受無涼沖同高山症...

    回覆刪除
  19. 天空之鏡
    [版主回覆06/16/2012 23:38:28]

    回覆刪除
  20. Handiwork Specialists 手作專門店2012年6月16日 下午7:57

    好靚好神奇嘅地方! 親眼睇到嘅時候一定係好震盪啦
    [版主回覆06/16/2012 23:39:01]直頭嘩一聲呀~

    回覆刪除
  21. 美樂人生 Wwai Wai&#39;s Piano2012年6月16日 下午10:38

    去南美旅行,何時夢想成真!羨慕!
    [版主回覆06/16/2012 23:40:11]只要有夢想, xxxxx <--- 自己識駁啦~

    回覆刪除
  22. 實在是難得一見的美景。
    [版主回覆06/17/2012 11:21:08]

    回覆刪除
  23. 如果有生之年可以親眼睇到天空之鏡就好喇~~~~~
    [版主回覆06/17/2012 18:22:13]一定可以既!

    回覆刪除
  24. oh my god...stunning....you were so lucky to have such a good weather!
    [版主回覆06/20/2012 03:48:07]係呀~

    回覆刪除
  25. 我都想去...
    [版主回覆06/20/2012 03:48:40]

    回覆刪除
  26. 大開眼界
    [版主回覆09/13/2012 20:36:49]

    回覆刪除
  27. 你真係好幸運, 非常幸運!
    好多人都睇唔到倒影, 我印象中, 得BLOG 友車厘子能遇見天空之鏡, 仲要係影到兩個太陽的日出!

    可遇不可求!
    [版主回覆09/13/2012 20:39:30]係呀~ 最近係TL post遊記果個人,只見到烏雲密佈!

    回覆刪除
  28. Mr &amp; Mrs Leung2012年11月6日 下午4:40

    似去左天堂!!!
    [版主回覆11/07/2012 03:01:37]

    回覆刪除
  29. Petite poupee @安提比2012年12月23日 上午10:07

    天空之鏡真係好靚 ... 相機要涯四日三夜, 冇得叉電吧!??
    [版主回覆12/29/2012 15:23:08]歡迎你回歸~
    [Petite poupee @安提比回覆12/28/2012 06:54:25]係呀!自從上年尾去馬赛三個月,上不到 網,已冇耐性追番上年夏天同秋天的遊記!
    [版主回覆12/26/2012 21:02:17]咦! 係喎~ 你講開先覺Tim~
    一舊電可以挨到第4日,去到天空之鏡先無電... 可能單反好慳電~
    仲有水晶晶你終於失蹤完拿???

    回覆刪除
  30. 真係好靚.......不過對我黎講好似一個夢.....咁難實現
    要夾咁多天時地理人和......做到真係人生難得!!!

    回覆刪除
    回覆
    1. 不是夢架! 只要有夢想⋯
      咦! 南美遊記你唔係早已睇過咩? 我仲有大部份未發佈晒架⋯

      刪除