長安漢中遊--序

我諗我既歐非之旅又要暫時閣置了…

加埋斐濟&長灘島…

幾時先可以的起心肝完成佢地呢???






因為即興去個西安之旅

開始時淨係plan去西安睇吓兵馬俑 ,上華山

或者試埋高鐵去洛陽…

依家plan plan吓

偏離航道

主力去漢中呀!





因為我曾經是三國迷!

"三國演義"係我咁大個仔睇既第一本小說!

當時讀中一

就係因為打機 ,一隻Game叫"三國誌"

令我去左書店買左第一本小說!

就係因為呢隻Game同三國

令我愛上中國歷史同閱讀既興趣!

而第二本買睇既小說就係神鵰俠侶勒!

呢兩本書都係關係到今次既行程...



另一隻Game”大航海時代”就另我愛上西史…

打機都可以發掘到人既興趣架~~~



諗返起當時誇張到

除了中西史外 ,其他堂就瞓覺同玩…

記得當年會考仲滿有期望中史要攞A

可惜最後得個C…

我真的大哭了一場架…





說來慚愧

當年熱愛中國歷史既我

雖然去過好多次旅行

但就從未返國內真真正正咁旅行

我記得當年同學仔講出自己最想去邊度旅行時

我就話要去晒全中國既地方…





講返正題

係携程搵資料時

越搵就搵到更多有趣既景點係漢中

就係因為漢中好多三國時既事物

如諸葛亮同馬超既墓 ,古戰場定軍山等等…

另外仲有漢高祖當年燒既棧道

有陝南九寨溝等等…

仲有全國最出名既油菜花田,不過就季節不合…

所以就選擇左三國而放棄金庸(上華山)

況且華山空氣污染嚴重

雖然山岳奇峭 ,但一片灰蒙蒙…





初步plan三日漢中一日西安~

西安已淪為配角了…