中亞後記

烏茲別克路線圖

哈薩克路線圖

去完中亞兩國，我終於明白為何搵資料時，甚至連lonely planet對哈國既篇幅都好少，因為佢既旅遊價值太低，遊客普遍都係用來過境... 旅途上淨係睇唔到有遊客就可想而知啦...

雖然哈國係中亞發展得最好既國家，經濟上同落後既鄰國烏茲別克當然無得比，不過撇除經濟上，我諗無一讓能與烏國相比... 人民友善程度, 旅遊價值等等...

淨係烏國呢個Registan廣場既旅遊價值,已經夠晒整個哈薩克有餘lu...

我真係唔明... 我之前更加落後既國家都去過, 而哈薩克號稱入左歐洲, 號稱中亞最發達國家,我地比左錢係當地旅行社整左張邀請函, 又比埋錢攪埋張簽證，張簽證上已經寫明有一個月限期... 點解仲要去蓋印!？ 我好相信我都唔係第一人無蓋印而唔比離境，眼白白睇住班機走左! 點解係機場無移民局職員即時攪罰款？ 更討厭既係呢個”號稱”先進既國家，好似好有規矩咁(用攝影機錄我地)，但點解要求要個recoord都無! 連問個好高級既差人係邊位都唔肯講!

仲要個咁高級既差人，為左趕我地走 ,竟然作個大話坤我走？ 如果呢度係一個好落後國家都可能預左，可能無咁嬲! 不過原來係懶先進 ，懶有系統，真係一個不知所謂既國家!

困lift，上差館，經常同的士司機角力，加上係哈國既種種不愉快既經歷，我真係受夠了呢度d人... 一口氣發洩完...

 

綜合黎講，就算係哈國既倒楣事，都係一次好好既經歷，係中亞遇到一D有趣事如下：

1)無冷氣
烏國所有車都無冷氣，有的雖然係為開冷氣而設計(如巴士內所有窗係無得開)，但係烈日當空三、四十度都無冷氣

2)讓座文化
係兩個國家都好好! 尤其烏國，最先有得座係老人—> 女人—> 男人—> 小孩
小孩通常係無得座,記得係烏國一次長途車,成架車迫到爆晒,D男人先讓女人上晒車,佢地係開車一刻先上車企爆架車,幾Gentleman! 不過係哈國我覺得就變成有D老馮咁lu...

3)握手文化
以我地既文化黎講有D攪笑,我地視為一種禮儀,中亞人就視為一種打招呼既方式; 一次我係哈國比差人帶返差館,緊係乜心情都無啦... 不過差館D差人竟然主動同你握手woo! 真係唔知好嬲定好笑!
另一次係Karkara農村,我跟住一個約10歲既小朋友去玩,係途中遇到一個年幾相約既小朋友,佢地見面就握手,有兩個豆丁係街度握手都幾得意~ 好鬼老積咁~
不過最得意既係個小朋友握完手，走個黎同我主動握手woo! 你諗吓一個10歲既小朋友，同一個牛高馬大既大人握手幾攪笑~

4)古怪地鑯
烏國首都既地鐵係嚴禁攝影，而我從未見過有車箱上既乘客傾談，個個都目無表情，好似行屍走肉咁，唔通除左嚴禁攝影，仲嚴禁說話???

今時今日既中東，非洲 ，中南美已經不再神秘，去完中亞，自己覺得中亞先至係真真正正既鮮為人知，而又被世人所忽略既神秘國度呀~

手信篇



係烏卒卒淨係係布哈拉先有得買既Bird剪

哇哈哈買既蒙古包

蒙古包內部