Day 27 好警察，好國民，好國家(哈薩克阿拉木圖)

(Day 27) 2009-07-18
住宿 :突厥斯坦酒店
行程 :又係阿拉木圖

尋晚係機場瞓得唔太好，諗住早D出發，先去個差人比我地個地址搏一搏，諗住唔得都仲趕得徹去移民局嘛!

因為我今日一定要攪掂，最遲聽日一定要走呀! 趕唔徹返公司就好大獲架!!!

0800出發
根據個新疆人話好近，行十分鐘就到，點知行左大半個鐘都未到，沿途不停問人，巴士都轉左兩程，終於到左所講既地方... 已經覺得有被坤既感覺...

但個新疆人所講既，話係個差人上級既office就極唔對路! 點睇都係一個高級少少既平民住宅區，一個咁大既人物點都唔會係呢度工作呱... 於是係村內不停問人，同差不多每條路都比我地踩到爛晒，都搵唔到要搵既門牌...唉... 原來個差人有心耍我地，個新疆人係媒...

睇睇隻錶9點幾，背住d行李行到氣喘喘咁，於是即刻搭的士去市中心既移民局，雖然上午係辦公，但就唔會做蓋印⋯ 並由一個新疆女人翻譯比我聽，即係又比人坤啦!

佢話附近有個人幫到我地代辦，於是佢帶左我地去移民局隔離一個office既地方，有個中國人睇黎專幫內地人做有關移民局果D手續，因為佢有幾十本中國護照揸係手!

佢打左個電話後,即使比錢都幫我地唔到，不過佢叫我地可以再去移民局試吓(比錢)咁做woo...

於是由帶我黎個女人做翻譯，個女人問都唔使問我地，就不停咁同移民局裡既差人爭取，講左好耐好耐，話比埋錢都唔肯同我地做登記... 於是又好灰咁返回辦公室裡，跟住再聯絡HK既入境處同埋諗住去埋中國大使館，香港入境處同埋果個人都講得啱，呢個國家規舉就係咁，就算搵領使都幫唔到...

突然有個中國女子入黎，聽了我個case話可以幫到我地，仲話一定得! 叫我地買定機票tim!!! 咁犀利？

於是佢打左個電話，話我地只需每人比一百蚊美金，再叫個人攞我地本passport去移民局，無耐passport就返黎，仲有我地既需要既登記tim!!!

兩日來既折騰，無助⋯ 見到passport上呢張Cert.，嗰種心情真係非筆墨所形容!

後來傾開計，原來佢係中石油駐當地既職員...唔怪得之有咁大勢力啦! 真係無限感激咁多位呀~

估唔到最後係要使橫手...

就係釘多呢張野係passport ,令我不生難忘

==================================

攪掂左蓋印後，即刻去旅行社買機票離開呢個fxxking country呀!!! 真係唔講粗口都唔得呀!不過最快都要聽朝至有機呀⋯

 

決定今晚瞓機場，只係返突厥斯坦酒店放低D行李，連個大堂職員都感到好奇怪，見我地多次退房，又三番四次返黎...

 

最後逛左市中心最大，好有前蘇聯色彩既公園

點知又要受呢個國家既人D氣...

又係讓座問題，行到攰係張長櫈坐，見一對母子想坐，咪坐過D讓比佢地坐Law! 點知佢覺得唔夠坐竟然”怒啤"我woo! 其實對面有張只係坐左一個人既長櫈又唔坐，我已經主動讓位啦，仲想點jet!!!

呢個國家真係... 真係搵唔到有任何優點呀!!!