Day 26 旅行烙印(哈薩克阿拉木圖)

(Day 26) 2009-07-17
住宿 : 機場
行程 : 機場

係哈薩克既呢一日，我諗我呢一世人都唔會忘記...

今日終於要離開呢個令人討厭既國家啦! 黎到哈薩克無一樣野順利...

諗住無print E-ticket，只有個預約編號會有阻濟 (因為入check in 櫃台前要檢查機票同passport,而且呢度D人文盲又野蠻) 點知睇都唔睇passport，只比個航班編號就放行woo!

酒店大堂

一團糟既巴士站

阿拉木圖機場

諗住好順利，但當離境過關時，個警察又話我地張入境紙無係到境後5日內去做登記，跟住有另一個差人，一路攞住部攝錄機打晒燈，係眾目睽睽下影我地，一路由另一個高級D既差人，同我地講既同一番既說話...

拍攝完就帶我地返南航既櫃檯，其實呢件事我係Taraz已經一直擔心，當時比個差人攪完一大輪後話可以留30天，但張入境咭後面明明寫住5天...

好彩個南方航空職員識國語，搵返個差人問
佢話點都要我地去蓋印先，即時罰款又唔得
(因為入境咭後面果行細字都係話罰款)

於是叫個airline職員寫個移民局地址比我，又話聽日星期六可以上晝做登記...

因為我星期一返工有樣好重要既事要做! 依家唔走怕趕唔到... 睇住隻錶一分一秒地過，個心就越來越急，睇吓盡辦法趕唔趕到班機! 跟住連香港緊急救助熱線都打埋!

不過直得一提既係打極都打唔到，要經香港既朋友幫我打...

真係好唔明，我地比左錢係當地旅行社整左張邀請函，又比埋錢攪埋張簽証，張簽証上已經寫明有一個月限期...點解仲要去蓋印!

最後...眼白白睇住班機起飛...見D差人咁有系統又錄影又剩，迷諗住攞返個record law! 點知個南航職員幫我同之前揸機既女警講，個女警聽完竟然一走了之! 真係火滾! 咁我迷係check in area D 櫈度賴死唔走law! (當時已經無機無客，唔可以逗留)

有個膊頭有三粒花既差人走黎，我咪話想攞record law，全部都話無... 突然諗起香港既差人應該係最好，D人痾屎唔出都可以報警! 

跟住想問多次移民局既地址，佢就用俄文寫左個地址比我，經另一個新疆人翻譯，話係佢地既上級個地址，又話佢上級已知，叫我明天去搵佢就可辦妥woo； 張字條又無搵邊個，問又唔講! 雖然覺得佢好似係打發我地走咁，不過賴死都唔係辦法...

無辦法都要走啦! 唯有聽日一早先去博一博，唔得先去移民局啦⋯