Day 19 惡夢，上差館!(哈薩克Taraz)

(Day 19) 2009-07-10

住宿: Kohak Yni Hotel

行程: Taraz



 係火車站瞓到7點幾，求其搭一架巴士，竟然撞啱呢架巴士係去市中心WOO~

係市中心行左好耐只係搵到間荒廢既酒店，而上網亦都只係搵到一間!

但就唔知係邊…

幾經辛苦係多番問人下，先搵到應該係全市唯一一間既酒店 ，呢間酒店座落係眾多政府建築物中，係一間銀行開既酒店，裡面既格局似係比D行政人官員住，幾靚架! 房裡有個42吋plasma大電視，廁所有個鞋擦同鞋布tim~

所以其中一個男既receptionist，見我地呢D背包客態度勁衰藐咀藐蝕! 真係想打獲佢!!!

行到脚跛就係呢個人像下休息左好耐...       

呢D粉紅色既就係政府建築物啦~ 同一個blog友去拉脫維亞所見既一樣既!

係飛機既雜誌仲介紹呢個城市係絲路城鎮，點知酒店都唔多間就知Taraz又係一個boring city啦…

已經上網不停搵資料，不過呢度既景點係⋯ 無!

所以D外國人都係純粹路經此地入烏茲別克咋!

經常留連既哈薩克電信局 ,因為上網超平!

最倒霉既事，就係晏晝，正諗緊入邊間餐廳食晏時，比個膊頭有好多花既差人查passport，話我地張入境咭(即入境填果張紙仔呀)

無係入境後5日內蓋印WOO!!! (入境咭後面有行細字寫明既)

我地又有Visa又正常入境，當然無細心睇張入境咭背後果行細字啦!

我地兩個都算去過好多地方，更加落後既都去過，都未遇過有呢D規矩，所以從來諗都無諗過竟然有D咁既問題⋯

於是就比佢帶返差館，仲笑笑口咁話無問題，只係蓋返個印啫⋯

頂! 即係掠水食硬我地咁款啦! 我諗過如果佢掠得多既話死都唔比架!!!

其間好鬼口渴入左間士多買支水飲，個老闆見有差人同我地一齊就問我地係咪”熱呔”

“熱呔”係俄文，即中國咁解，唔通中國人就比全世界，包括呢D落後國家定型為非法入境者???

絕對唔係我神經過敏，我地香港本特區護照，除左係東南亞，我地D香港人經常去既地方有D地位外，去到歐美甚至非洲D落後國家只會當你係大陸人，攞你本特區護照驗屍咁驗屢見不鮮，之前係馬耳他過關時仲有個關員同我講，知唔知有好多中國人偷渡入境… 突然覺得自己身為號稱強國既中國人有D…

係差館等左好耐好耐，個差人死晒狗咁同我地講sorry，又話無問題，可以留30 day woo… 跟住就放我地走…

走左之後係度諗，如果日後又比差人查咁點? 應該叫佢比D証明! 不過都走左LU…

呢件事就發展成日後從未遇過既深刻經歷…

唯一景點,超迷你清真寺...