Day 12 廢棄小漁村(烏茲別克Moynaq)

(Day 12) 2009-7-3

住宿 :Oybek Hotel 每人USD $10 

行程 :Moynaq

從網上搵到關於有關鹹海既悲劇:

<<位於中亞地區的鹹海，曾經名列全球第四大淡水湖，但今天，它的水位不斷下降，嚴重乾枯和污染的鹹海，快要消失在地球之上，變成一片受毒物污染的沙漠。

　　在還未遭受破壞之前的鹹海，氣候怡人，水草豐美，土壤肥沃，魚穫豐富。成為中亞各國（即前蘇聯的加盟國）如哈薩克斯坦、烏茲別克、吉爾吉斯、塔吉克斯坦和土庫曼斯坦諸國賴以為生的重要水源。

　　前蘇聯銳意把哈薩克斯坦發展為最主要的棉花產地，棉花是一種耗用極大量水的農作物。為了灌溉棉花田，大量耗用河水，直接導致鹹海的枯乾。>>

我地身處既Moynaq，正正係”以前”鹹海沿海城鎮，就如上文所講，係一個氣候怡人，水草豐美，土壤肥沃，魚穫豐富，國內最大既海港城鎮…

但鹹海面積縮小後既Moynaq，現今已成了一個廢棄小漁村，已經再無魚穫，土地貧瘠，沙漠化嚴重，廿四小時不停既沙塵暴，跟本就係一個死城!

我地食完早餐就行去傳說既”船墳墓”

船墳墓係乾涸既鹹海海床上，一些被遺棄既船隻…

我地往酒店後方鹹海方向一直行，不停吹起沙塵暴，吹起地下既沙塵十分恐怖，Moynaq就好似長期打緊八號風球咁… 沿途所見極盡荒蕪，就算見有房子都已荒廢了…

Oybek Hotel

當去到鹹海邊緣，就可見到有一個紀念碑，同簡介鹹海變遷既資料，欄杆後就係乾涸既鹹海海床啦!

只見到一片沙漠用一架架既廢鐵，呢度就係船墳墓，呢D廢鐵見證住鹹海及Moynaq既變遷…

於是我地沿樓梯往乾涸既海床，廢棄既魚船； 呢度既風沙更強，你真係可以見到一個龍捲風既沙塵曝吹過架…

所以相機都唔夠膽攞出黎，我就係呢度睇左一齣由人類破壞既悲劇…

紀念碑上有2008&1960年鹹海面積既比較

呢度以前就係生機勃勃汪洋大海啦 ,如今一片死寂 ,只淨下船既墳墓...

通往海床既長樓梯

罕有既遊客

睇完鹹海諗住行吓酒店附近既地方，點知家家戶戶都重門深鎖，都唔知有無人住既... 係鎮內行左參唔多一個鐘，只係見都一個人踩單車經過咋!!!

一片死寂既Moynaq

1300食晏

1400 Zzz

1700 沖涼

仲完涼係個空地度留意到，一直泊係度D車都好新淨，而且係烏國黎講係貴價貨既豐田農夫車同泥頭車!

(因為烏國街頭差不多全部都用韓國車)

車牌更與別不同TIM!!! 於是問酒店個老細先知，呢D車係我地祖國係當地既車牌，及後有個住埋同一酒店，成日係酒店內見到既，祖國同胞同我地講，佢地係中石油派係呢度工作，話鹹海蘊藏著天然氣woo!

原來一片死寂既Moynaq有著咁重大既秘密woo!!!

佢仲好好奇咁問我地黎做乜tim! 我諗佢以為我呢D香港人一定是瘋架，竟然黎呢D鬼地方旅行~

雖然撞返中國人，不過就完全無他鄉遇故知既感覺，其他既中國人跟本不值與我們一談tim!

酒店內不時見到中文通告同告示板

黃昏時先見到村民活動 ,但只見到小朋友

食晚飯時老細知我地聴日要去哈薩克，好好人咁幫我地打電話問定聽日火車班次，仲教埋我地搭車TIM!

之後做登記時仲睇到酒店本名冊，原來都有唔少遊客住過，大多係日本人

而且剛啱係31號就有一個日本遊客住過tim~ 日本遊客既足跡，真係遍佈世界既任何角落呀! 常常自以為熱愛旅遊既港人(大多主要係跟風，呢期興既就一窩蜂去)，其實足足落後日本20年⋯

完全唔似酒店既超簡陋大堂

酒店大堂有關鹹海既壁畫