(Day 4) 2009-4-5
住宿:B&B $20-USD
行程:撒馬爾罕
撒馬爾罕係我這個旅程最最最想去既地方!
由於我求學時熱愛讀歷史,初次於課本上認識這座名城。到後來沈迷武俠小說,撒馬爾罕更是金庸筆下 《射鵰英雄傅》,金刀駙馬郭靖隨成吉思汗西征花剌子模,用了黃蓉妙計,千辛萬苦才能攻破的城池~
金庸筆下是這樣形容撒馬爾罕的:
[撤麻爾罕城倚峰而建,西面的城牆借用了一邊山峰,營造之費既省,而且堅固無比,可見當日建城的將作大匠級具才智。這山峰陡削異常,全是堅石,草木不生,縱是猿猴也決不能攀援而上。撒麻爾罕得此屏障,真是固若金湯]
金庸妙筆生輝,閱讀時彷佛置身其中,雖然係「假作真時真亦假……」 從前的撒馬爾罕是否這樣?真是無從稽考了。
其後到我熱愛旅遊,幾年前於報章介紹撒馬爾罕的宏偉建築,更使我對呢個古絲路重鎮、被喻為「東方羅馬」的歷史名城,令我更嚮往不已~
0900起身
1000 我地選擇了傳統烏茲別克床,用來食旅館所提供的豐富早餐。真係勁豐富到放滿一整張枱呀!!!
慢慢慢慢咁食,食完都將近中午時份了~ 由於撒馬爾罕日間差不多有40多度,晒到頭都爆,所以仍然一直未離開過食早餐時張「床」。悠閒地看著佩瑜寫既「中亞手繪旅行」、及無所事事係度hea,終於感受到佩瑜所講的墮落生活了~
這讓我憶及上年身在馬爾他的最後七天,「食飽就瞓瞓飽就食」的頹廢生活呀!
發呆時,與一個於撒馬爾罕工作的日本人,姓「齊藤」的人聊起來。他的工作就是於當地做攝影工作,然後就SEND回日本,再share比其他公司。想起他是一名專業攝影師,所拍的照片會很美。我也隨即刻回房間取相機,便諗住叫他「過兩招」。
見他整部手提電腦也取出,打開一些他所拍攝的照片給我們收看,點知…覺得很普通呀…他稱他也是第一次用單鏡反光機,而且全部用AUTO模式拍攝。
見他給我們看過所有的照片,我也將旅途上所拍攝的照片給他觀看。但他竟然好唐突地問可否將我們的照片複製喎!我覺得好似不太好,始終有自己的私人照片。見他開到聲,檢查過無特別太私人的照片便大方讓他複製。
直到1345仍然無離開過張「床」呀!
1400 終於捨得離開,不過就移往另一張「床」,就是房間內的床嘆冷氣,瞓晏覺呀!
1600 起床 —> 食野 —> BiBi 陵墓 —> Registan廣場
烏茲別克週街都係呢D殘車 |
市集 |
當地人傳統頭飾,我都買左呀! |
Bibi陵墓 |
好普通建築物既外牆都咁靚架 |
Registan廣場既神學院建築群 |
玩剪影 |
只係行左一陣已經8時多了。返回旅館,每人只需加多USD $2, 就有一頓豐富的晚餐了~
睡前外出去影星星,初用這部單鏡機,真係有別於一般的傻瓜機,星星真係影得特別清楚架!!!
是日晚餐 |
買O左新相機? 乜野型號呀?
回覆刪除[版主回覆09/07/2009 23:33:00]係入門版D90咋~
最後果張影得好靚呀. 好多星星...真係好浪漫呢
回覆刪除[版主回覆09/07/2009 23:35:00]最後果張影得好靚呀 <--- 係呀...之前用傻瓜機影唔到架!
我都以為個日本人影相好勁添
回覆刪除[版主回覆09/07/2009 23:36:00]哈哈~~~
原來全都係錯覺!
今回你倆闖蕩江湖好精彩呀 !<<< 可惜我人老了經受不起。
回覆刪除如今後生仔女喜歡獨行俠,越封閉地方越勇闖!特別日本人,好多連英文都得幾滴水就敢膽做背包客環遊世界,真令我佩服到五體投地!
[版主回覆09/07/2009 23:41:00]所以你依家緊係要去D好既地方享受吓啦~
日本人都令我佩服到五體投地呀!!!
我真係無諗過烏茲別克有咁多日本遊客架!!!
你有冇去埋古城希瓦, 我覺得果度係烏茲別克最正的~
回覆刪除[版主回覆09/12/2009 14:08:00]我有呀! 真係最特別呀!!!
但最失望就係去唔到吉爾吉斯 ,你去浸溫泉既地方呀...
oh..........我都係金庸迷, 但真係唔知撒馬爾罕就是郭靖攻破的古城!!! 好想去呀.........
回覆刪除[版主回覆09/29/2009 19:28:00]咁你就要睇返"射鵰"啦! 我諗你睇完仲即刻想去睇吓TIM!
我病假其間都買左本"連城訣"黎睇呀!
真係好好睇~~~
連城訣N年前睇過, 不過我最鍾意都係天龍八部和笑傲江湖......
回覆刪除會呀, 如果真係去就一定會睇番射鵰果一章!
[版主回覆09/29/2009 23:18:00]但係你一睇通常都追晒射鵰三部曲!
到時就廢寢忘食lu~~~~
慢慢搬,我當新blog睇.
回覆刪除哈哈~ 咁都得~
回覆刪除