(Day 1) 2008-6-22
住宿：機場
行程：HK—>烏魯木齊—>烏茲別克首都塔什干
因出發前呢一日一定有D野要做,所以要攪到11點先出發...
係屯門既屋企,經西部通道去深圳既寶安機場,搭原定海南航空1340既航班飛往烏魯木齊; 但Delay完再Delay,好驚駁唔到下班2355係烏魯木齊起飛既flight呀! 最後終於係1650起飛啦!!!
係機艙內,坐係斜後面個女人咳到好似肺癆咁呀!!! 都唔知有無豬流感,都係即刻帶返個口罩穩陣!
1845
1845
我發覺今次既旅程,可能唔係再獨行俠,有人陪一齊去既關係，乜野票務,行程都唔使我煩,攪到我乜都唔去記,問完又問，問到答我果個都忟呀...
 |
| 飛機上影既天山山脈 |
2205到達新彊既係國內航線大樓，要行過隔離好細果個先係國際機場呀!
入Check in 區時，個保安要我地出示大陸人既健康證明書，睇來睇去都以為我地既係中國護照，唔通佢唔識字？ 要第二個保安先睇得明放行，我諗極少香港人咁樣飛中亞國家； 因為之前搵資料D人，都係搭火車入哈薩克，又或者經泰國飛烏茲別克...
2350早了五分鐘起飛
最好Zzzz既一程
最好Zzzz既一程
0245到達烏茲別克首都塔什干機場，由於有兩個小時時差既關係，當地時間仲係11點幾咋!
由於豬流感正開始係中國同香港爆發，一落機當地有個好得意既防疫測體溫措施!
就係有一大班悄護士打扮既職員，係登機橋等你，然後一人一支探熱針夾係”格肋底”，行去另一面就有人收回...咁樣測體溫邊會準架!!!
由於我地要做落地簽證，個VISA櫃台又無人，由D體檢職員幫我地通報； 於是我地就係隔離個找換店，用左USD $300換左幾大疊共44萬幾既當地錢叫做"SOM"
等到D人過晒關好耐好耐，先有個入境處職員”施施然”行過黎VISA櫃台，於是比晒有關文件佢，包括我地攪得好辛苦既邀請函LOI⋯ 佢竟然望左兩眼，就貼左張VISA落我地本Passport度喎!!! 我頂...攪得好辛苦架嘛...
 |
| 一到機場就感到烏茲別克既色彩啦 |
 |
| 攪完簽證過埋關後 ,輸送帶就只剩下我地既寄倉行李 |
過埋關都成半夜點幾啦... 一出機場就有一班人兜我地的士，但大都係開天殺價，由於已經半夜,我地決定係機場過一晚...
半夜夜遊機場外圍
Day 1 就咁有風險 ，好精彩呢！呵呵 ................ 應該說，好的開始！
回覆刪除銀仔，你再忙也要快速將遊記寫下，不然日子久了許多細節會忘記 。 28 日的行程呀，唔簡單！我從未試過外遊超過廿天。不過你有賢內助在旁，72 天環球也無有怕！！
[版主回覆08/08/2009 18:54:00]係呀... 我依家寫緊DAY2啦...
唉...無法啦 ,打得慢又要返工....
唔記得我又唔會...因為我有本簿仔寫低日誌架!
hi, 我剛剛今天才付了那些 LOI 的錢....超貴..... 頂.....原來他們只是看兩眼......=.= 我9月1 日出發，應該10月中才回來~ 期待你繼續分享！
回覆刪除[版主回覆08/08/2009 18:55:00]你係香港攪定當地旅行社攪呀?
中國機野野都DELAY架
回覆刪除以前幫老闆訂機票
佢返到黎次次都話DELAY架
後來佢去機場買就算
[版主回覆08/08/2009 18:56:00]我諗係D好似海南航空呢D細航空公司先成日DELAY啫...
兩個人和自己一個人去旅行真的好大分別......我相信你和未婚妻的感情一定增進不少!
回覆刪除d 海關真係 "估佢唔到" wor........可能你哋半夜三更到步, 佢懶得同你玩! 你應該多謝佢! haha.......
[版主回覆08/08/2009 19:00:00]你錯啦...因為大家都成日去旅行, 有自己既方式 ,攪到成日意見分歧...
感情一定增進不少<--- 有係有 ,但係返黎之後LAW...完全唔關呢次旅行既事...
快啲寫落去~
回覆刪除[版主回覆08/08/2009 19:02:00]DAY2 尋晚寫左大半啦...
但成日對住部腦都幾攰...打字又慢...
44萬幾既當地錢-呢個係百萬之旅啦!
回覆刪除[版主回覆08/08/2009 19:03:00]係WOO... 果度D人個個都身懷巨款架!!!
咁大個人一定有自己的生活方式, 包括去旅行的style. 第一次去28日當然有多d分歧......之後大家一定可以互相遷就......感情就會不知不覺咁增進 ("哎交"都係一個方法...... )
回覆刪除[版主回覆08/10/2009 21:48:00]HEHE~~
希望下次唔會啦~~
我諗你今次既旅程有賢內助同行, 就算辛苦都係甜蜜既
回覆刪除[版主回覆08/10/2009 21:53:00]你仲甜蜜啦HEHE~~~~~~
吓
回覆刪除咁東方同南方係咪細公司呀??
[版主回覆08/10/2009 21:56:00]乜東方同南方都成日DELAY牙...
佢地係國內都係僅次於國航WOO...
我今次都係第一次坐大陸機咋!!!
好精彩!
回覆刪除[版主回覆08/22/2009 12:59:00](Empty)
我返嚟香港時, 坐係我後面個男仔,都係咳得很厲害. 於是我送了個口罩給, 並要用普通話跟他說 : 給你的. 他都有戴一陣.
回覆刪除[版主回覆09/07/2009 23:31:00]係呀...
D內地人無呢D意識架!!!