(Day 15) 2016-7-4
行程 : 三藩市 —> 香港
0915起床,準備Check out
1030離開,先前往油站入油$22,並參考Steven的建議,在油站便利商店外放下一些不會帶回香港的露營工具,如用剩的柴、煮食油、洗潔精等等,紙箱上寫了"Free"字樣,留給有需要的人。
前往機場途中 |
來到機場還車,安檢時順便換埋拖鞋準備乘搭長途飛機。登機前有些少肚餓,港女建議食日本野並且排隊。我去完洗手間發現不對勁,望一下張機票才知道港女記錯了時間,於是帶埋港女跑往登機閘口……🏃🏾🏃🏻♀️💨💨💨
這班機勁爆滿,我地劃位時選擇了最後排座位的二人位。頭頂行李架爆滿,有個好心人指最後排的另一邊有空位,以為是好心人,原來是圈套。他們是亞洲家庭有4名小朋友,全是講英文,有點強國feel,也有點像越南。他們有4人坐晒中間座位,另兩個坐中排後座側邊位,即行李架有空位嘅旁邊。他們行李唔放就近的行李架而放我上面,原來就是想用這技倆迫我換位,佢地想一排坐晒而唔想分前後坐,不過這招被我識破了~ 🤣我寧願無貴重東西的行李放在遠方也不就範。這些類似情況以前都遇過,因為我個子高,好難得有個好位置,即經濟位最前排救生門位置,但一上機竟然有個大嬸大模廝樣坐了我個座位,話想與我換位,我當時答應了,最後要比人左右夾在中間,這程機越想越後悔!所以我以後唔會再應承與人調換座位!換轉是我被編坐中排中間時也不會有人可憐我啦。
一早知道乘坐「打人航空」747客機都不會太好,機種舊之餘機艙又多乘客。這航班沒有獨立螢幕,以wifi代替,供客人自攜的手機或平版連接一般航班提供的娛樂,如要上網做其他事則要付費啦~ 咦!咁都ok喎,自己的平版觸控絕對勝過飛機上的瑩幕,不過就苦了無平版的客人了... 港女睇了套戲(港女按:《我的少女時代》,其實同《那些年》差唔多吧,哈哈!),又「喊苦喊忽」,我就睇左套《葉問3》。
最後5小時超好瞓,瞓醒食早餐時見到旁邊4位小朋友自理能力超高,瞓覺的瞓覺,用餐的自己用餐,未戒奶的小孩自己攞住奶樽飲。他們的父母這程機完全好輕鬆,在外國長大果然與別不同。當然,父母的教導方法才是重點。
我坐長途機都好少睇戲,瞓覺多。
回覆刪除港女成日睇,我都少。
刪除咁大雨!
回覆刪除真係好麻煩
刪除咁都幾好喎環保啲唔駛浪費了露營用品.....
回覆刪除最緊要無貴重嘢....唔驚佢地係調位黨,最驚佢地係撻嘢黨XXXD
係囉,好話掉咗佢。
刪除一家大細唔會嘅,以前我係機場工作多年,呢d撻野黨好討厭。。。
記錯時間~~~好彩仲check到in咋~~~~
回覆刪除華..乜d人咁奸架!!唔好就範!!!
下...程長途機無獨立電視...我一定唔得..因為我又係戲接戲哥種人!!!!
多謝你又帶左個精彩遊記俾我地唷~~
之前同人換過一次呻笨,唔會再有第二次了🤣
刪除無獨立電視〈-- 學我自製啦~
小T玩野🙄,你都成日帶D精彩遊記俾我地睇啦~
長途機我通常會set好一大堆Jazz歌嚟聽,唔會睇戲……
回覆刪除咦!你鍾意Jazz,必定要去古巴呀!
刪除