Day 7 時光隧道(烏茲別克布哈拉)

(Day 7) 2009-6-28
住宿: 夜火車
行程:布哈拉-->塔什干

仲諗住玩多日玩多日以阿里巴巴作背景既布哈拉，但計計吓玩多日就會可能浪費多兩日時間啦!!!

我地要返去首都塔什干攞完哈薩克Visa，然後再要做吉爾吉斯Visa呀!

因為吉爾吉斯領事館星期四休館，今日星期日,如果玩多日就要星期二先返到去，攞返本passport然後又去第二度再攪，再撞啱休館，所以星期5先攪掂…

算啦…布哈拉咁商業化，反正都不太鍾意…

於是早餐後就去週圍問吓睇吓有無夜車返塔什干，先去到一間Agent問,係部電腦check過之後話無…

於是都諗住死左條心玩多日啦… 跟住到一間手信舖頭行吓，順便問吓有無火車走，個老細竟然話有WOO!!!

仲話得passport copy都無問題呀!!! 仲call車同我一齊去火車公司買飛TIM! 由於無晒包箱既飛，所以我地只買到普通位既飛… 1915開車，每人$11000，終於第一次買到火車飛啦!!!

我好記得係塔什干時因得passport copy被人百般留難…

個老闆返到舖頭後，仲同我約返呢架的士一陣去火車站TIM~~~~

佢地咁好人緊係要幫襯買D手信啦! 係就係貴D… 不過老闆個女真係好好人，佢見我地對舖入面既野頭盔,服飾,寶劍等好好奇，雖然我地唔會買

但佢到攞出黎比我地試著,玩同影相呀~

上圖既盒我都買左個呀!

買完又玩完，其實我黎到布哈拉除了觀光外仲有個最終目的，就係去佩瑜書中所講有最好食既地方朝聖呀!!!

於是我地就叫返果架TAXI車我地去城外，去食佩瑜所講又平又好味專食羊既地方!

的士來回要收我行我$10000som呀!

不過我都係要去，係遊客區呢度只食兩隻雞肶都要$17000som啦…

其實我自從上次去完突尼西亞後就愛上左食烤羊，佢地D羊好似雞肉咁嫩

完全無羶味~ 所以今次既旅行我都抱住好大期望，可惜烏國全部都太多醃料…

車程大約20分鐘，係Chor-Bakr墓園附近既公路旁，一間門口泊滿貨車同私家車，完全唔起眼既餐廳，原來裡面有供應全世界最好味既羊扒!!!

肉汁鮮嫩，大大舊既羊肋骨，每串只係$1500som咋!!!(即HKD$7.5)

真係超平呀!!! 我淨係食羊肋骨，我一口氣就食左5舊羊呀!!! 係我係烏國最好食既一餐 唔係! 應該係話我去過咁多度旅行最最最美味既一餐呀!!!

依家諗返起都流口水~~~

羊肋骨x8

可樂x2

大水一支

結帳共$13800som咋!!!(HKD$70)

同尋晚係遊客區食兩隻雞肶都要$17200som，感覺尋晚好似比人搶錢咁呀!!!

中亞特產係葡萄 ,我記得有課書係咁講: 年年戰骨埋荒外 ,空見葡萄入漢家!

布哈拉係古絲路時代亦都係重鎮黎架!除左有撤馬爾罕睇過有D厭既神學院，呢度仲有超多古絲路留下來既遺跡，好似市集，驛站等等~ 食完美味既羊大餐就返去一口氣行晒!

幾千年既古絲路遺跡，市集現今仍是市集，身置其中，恍惚穿梭時空隧道一樣呀~

於是1700就搵間餐廳飲吓野係度HEA等夠鐘~~

絲路遺跡 -- 驛站

絲路遺跡 -- 拱形市集

市集內部,幾千年不變~

左下:勁想買烏國獨有既碗碟! 但點可以攞住佢去仲有成個月既行程呢...

Bird剪 ,只係係布哈拉先有得賣咋! 我當然有買啦~

左:智者阿凡提右:當然唔少得絲路既主題啦

叫佢即時加返個布哈拉字上去先

飲野HEA等夠鐘

1915順利上火車啦~ 上到車原來發現D坐位可以變床架! 可能呢D開放式位置好少外國遊客選乘，D當地人對我地好似之前搭巴士一樣充滿好奇，仲比個職員叫左入職員室吹水影相TIM!!!

2007開車

將張枱反轉,就變成左下既床啦~