![](https://googledrive.com/host/0B_Nvq0dfklHpamM0SFFMZkwydG8/11prQqVBWuncfuyrPx.OWw.jpg)
係2002年既10月,終於去到我好想去既地方之一,馬爾代夫!
![](https://googledrive.com/host/0B_Nvq0dfklHpamM0SFFMZkwydG8/Jto_wePCya9VrUjnvdM70w.jpg)
![](https://googledrive.com/host/0B_Nvq0dfklHpamM0SFFMZkwydG8/RFdqCeK35waXn.TduAiF9Q.jpg)
呢次亦都係跟團,5日3夜! 去既係好多香港人去既 "桃源島"! 呢個團當然以情侶為主啦~
馬爾代夫既天氣真係陰晴不定呀! 當係陽光普照時,突然可以傾盆大雨架!!! 全個行程就有兩天落雨,真係大煞風景lu... 所以係晴天時就爭取時間影多D靚相勒~ 亦都因咁既關係,令我係今次旅行又學會一樣野... 就係去邊旅行都要帶外套勒!
我記得出發前唔想帶外套,因為赤道好熱ma! 就比同我一齊去既人堅持話要帶... 最後証明左佢係啱既~
係陰天及落雨時,件外套發揮作用啦! 所以我依家去親邊度旅行都總帶件外套架!
暴風雨前夕
![](https://googledrive.com/host/0B_Nvq0dfklHpamM0SFFMZkwydG8/anPTNPgZsL2bJL4OZ9Rt.w.jpg)
![](https://googledrive.com/host/0B_Nvq0dfklHpamM0SFFMZkwydG8/8JiMZ2oA2rxux.uKaqPOMw.jpg)
全程住左一晚沙灘小屋及兩晚水中屋,係d咁靚既地方,住就緊係要揀最好啦~ 水中屋真係好正,一開門就可以落水~ 而且無論廁所或露台都有條樓梯落水架!
係馬爾代夫以水清沙幼見稱,D沙白色,又好似奶粉咁幼滑,海水就清澈見底,又多珊瑚魚,真係可以對住個海就一日啦~
其間撞到個團友竟然話唔識游水woo...佢話黎睇吓書渡吓假,轉頭就見到佢地漫步沙灘拾貝殼,真寫意浪漫~
水清沙幼 ,椰林樹影 ,坐落於印度洋既世外桃園!
![](https://googledrive.com/host/0B_Nvq0dfklHpamM0SFFMZkwydG8/QapCoLv8nesW753IhiLfrQ.jpg)
係列島遊時,去到一個比當地人玩既島,見到當地人好簡陋咁,用一個膠水樽同d魚絲就當魚牌釣魚我緊係問佢借黎玩吓啦! 點之掉落海無耐就有魚上釣啦!!!(當時我仲未識釣魚架) 係釣到條淺藍色既珊瑚魚 ,比佢地釣到既還要大!!! 當D酒店職員係島上為我地準備食物時,見到D當地人將佢地釣返黎D魚燒到成舊炭咁,心唸食唔食得架???
之後借工具比我釣魚果個人,手上挪住條成舊炭咁,我釣返黎既魚遞比我食,揭開面頭燶晒既魚鱗,一食之下真係超好味呀!!! 魚既鮮味同汁保存得好好,一D都唔乾,而且仲感覺到清澈既海水味道tim~ 又學識一樣野啦~ 所以之後去埃及都用同一個手法去燒魚食架!
![](https://googledrive.com/host/0B_Nvq0dfklHpamM0SFFMZkwydG8/QDFgkfob4vukaQScnG3O0A.jpg)
![](https://googledrive.com/host/0B_Nvq0dfklHpamM0SFFMZkwydG8/vgQdtekntE8j0rT02XRKTw.jpg)
馬爾代夫真係好靚呀! 最遺憾係無"咩樽"潛水...因為呢個島無試潛活動,要有牌先可以潛,有點遺憾...
同當時仲未有數碼相機,唔係影到好多靚相咋! 真係好想再去多次...但到唔知要等到幾時lu...因為一個人去無意思ma... 亦都因為係咁,之後既旅行唔會好似之前咁求其,係會選擇去D最浪漫最靚既地方,促成之後既希臘浪漫之旅!
![](https://googledrive.com/host/0B_Nvq0dfklHpamM0SFFMZkwydG8/11prQqVBWuncfuyrPx.OWw.jpg)
![](https://googledrive.com/host/0B_Nvq0dfklHpamM0SFFMZkwydG8/VCu.sd.1alehxfH8YoJIRQ.jpg)
唔知我幾時先可以再去呢... 我就一去就愛上左呢個地方啦... 不過我比你好彩..係雨季去都係落左半日雨... 仲要係我第一日去時落...之後日日都好好天^^
回覆刪除fr:青
[版主回覆03/06/2008 17:37:00]我都勁鍾意呀~
你地下次再去叫埋我丫!
我唔會做電燈膽架~
我真係好羨慕你,經常可以去唔同地方旅行!馬爾代夫同埋大堡焦都係我夢想去嘅地方,可惜我要養住兩條靚,想去就要今晚早d訓!
回覆刪除[版主回覆03/06/2008 17:42:00]小朋友可以比屋企人睇住啫~
馬爾代夫唔去就陸沉架啦!
馬爾代夫真係一個世外桃源, 與愛人在此享受一下, 藍天白雲綠水, 人生一大樂事! 好羡慕呀!
回覆刪除[版主回覆03/06/2008 17:44:00]不過都已成過去lu...
馬爾代夫係靚, 不過我又唔識游水, 陽光與海灘我又唔係咁like, 所以都唔會係我考慮去既地方啦
回覆刪除[版主回覆03/06/2008 17:52:00]咁無辦法啦...
不過呢個世界仲有好多好靚既地方既~
oh my god,要趁未陸沉之前要去一趟!
回覆刪除[版主回覆03/06/2008 17:52:00]一定要去啦!!!
真係好靚啊, 我諗去度蜜月一定好寫意既姐 可惜未有耐嫁得出
回覆刪除[版主回覆03/06/2008 17:54:00]我相信你都好快可以去到架!
我都覺得至身於其中,一定令人印象難忘
回覆刪除[版主回覆03/06/2008 17:55:00]無錯!!!
所以咪到依家都唔會忘記law...
馬爾代夫真係世外桃園 ,我曾想過此生必去一趟,或去大溪地 .............但現今不想去了,我怕太陽曬又怕海水咸會傷皮膚 ,還是留番錢去歐洲罷。
回覆刪除[版主回覆03/06/2008 17:59:00]大溪地係我夢想之地第一位架!!!
唔知幾時可以去呢?
歐洲都好想去...
唉...全部都想去呀!
OH! 似乎我再去澳洲之前, 應該先去馬爾代夫wor! 不過, 你估依家佢哋有無d 簡單潛水團 (好似澳洲咁), 畀d新丁試玩呢? 如果無, 咁去到無得潛水, 好o徒 wor.....
回覆刪除[版主回覆03/06/2008 18:02:00]係有架~
睇一個個島而定!
我咁啱果個無之嘛...
所以去之前要check清楚
如果唔係就好好好可惜lu...
直到依家我仍耿耿於懷呀....
我都仲未去, 唔去好似話遲D無晒D 島
回覆刪除[版主回覆03/28/2008 14:00:00]係呀!
厄爾尼洛令水位上升
最終馬爾代夫會沉沒架...
唔去就無得去lu...