回憶之旅 -- 日本

日本 -- 2002年復活節

我第一次係旅遊旺季去旅行就係日本啦!

係2002件既復活節,報左個東京團,咁啱撞正有櫻花睇; 我記得係淺草雷門同平和公園有最多櫻花睇啦~ 而係係雷門商店街內,兩旁既櫻花樹,令到漫天都是櫻花花瓣落下,極之浪漫!

平和公園既櫻花美景 ,可惜淺草商店街就無影低風景照

之後去左富士山腳既河口湖同富士急遊樂場,我仲記得係專比小朋友玩既"鬼太郎"鬼屋內,比人整到隻手紅晒,整我既人咪同我一齊入鬼屋果個人囉!


富士急外既富士山

去到"迪士尼海洋",足足排隊排左三粒鐘先玩到一樣機動遊戲! 玩完一樣遊戲後已經唔想再排隊lu...於是週圍行吓同睇完花車巡遊後就離團自己玩,因為當晚既活動唔吸引,去埋d日劇拍攝場地"彩虹橋"參觀woo... 其實"戀愛世紀"我當年都幾鍾意睇,不過以我當時去日本黎講,該日劇係再早多五年播完了,過晒氣之餘景點又不太吸引! 所以我地便離團,踏出自助旅遊既第一步,係毫無資料,旅遊書既情況下,膽粗粗咁搭火車去左行程無既涉谷,實行黎返個"涉谷24小時"呀~

原來係日本D火車站係用漢字,真係係中國人都識搭呀~ 去到涉浴我就記住火車站位置,就係附近週圍行吓,行左出名既電器街,唔記得叫1010定叫1001商場大廈... 同食左全部一百円碟迴轉壽司,

連海膽壽司都係一百円碟咋!!! 我仲記得當時無show到海膽壽司出黎,而 d木牌又無海膽既漢字,

於是我地就畫比佢睇,佢一睇就明白,整比我地食~香港要成三十幾蚊碟海膽壽司,所以返到香港已經好少再食lu! 而當時100円只係等於10蚊港紙左右,真係勁低呀!!!

真係好後悔早前係富士山腳河口湖,係旅行團安排下用左六百幾蚊港紙,食既半隻壽司船...

行程概要:

淺草&平和公園 :漫天都是櫻花

新宿 :係歌舞妓訂裡食左好正既拉麵

富士山腳 :河口湖 ,富士急遊樂場

迪士尼海洋 (自己加插涉浴遊覽)

東京銀座