回憶之旅 -- 澳洲(下)

澳洲 2001年9月

係澳洲,週街都見到有賭場,又係一大班團友碰吓運氣既時候喇!

我隔離果個就一蚊一蚊咁玩老虎機,都唔知點玩,當佢玩到7,8蚊,唸住叫佢走之際...
突然部機不停嘔錢出黎woo!!! 原來我地中左呀!!! 我立即呼喚其他團友~ 計計吓... 原來我地贏左一百蚊澳幣呀!戰鬥到最後,大約贏左二百蚊~ 等於HKD $900,都幾開心~

最後D澳紙用唔晒,仲買左兩條"CK"底橫獎勵自己tim~

我發覺原來去旅行,包括之前去韓國,入親賭場都贏錢架! 可能係唸住玩吓既心態瓜~

仲記得當時對澳洲幣係約 1對4.5, 都幾低玩! 潛水係我咁大個仔第一次,大堡礁真係名不虛傳呀~不過我隔離果個就慘law,我地係要先比錢先可以潛水,佢可能因為耳膜太薄,潛落水發覺耳仔痛,潛唔到之餘又無得攞返錢...

條條魚都好似人咁大~

有跟團係大堡礁潛過水都一定認得佢 ,因為潛水教練一定會帶

你同佢影返張相!

去到華納影城時我見到奇景呀!!! 就係同一時間有兩條彩虹係天空出現呀!!! 但係我就無影低...

而係華納影城,我亦都見到一個令我印象深刻,震驚既事! 華納影城同迪士尼一樣,都係有花車巡遊的; 期間係有職員隔開兩旁既人群,比花車駛過,當第一駕 Badman 車出現時,我驚見一對操普通話口音既一男一女,突破職員既防線,一個捉住駕Badman車,一個拍照... 當然隨即比職員趕返人群啦!

我當時望一望來自世界覺地既遊客,果種目光...好似我地都有份咁... 天呀!!! D外國人唔識分香港人同大陸人...

到第二架花車出場時果兩個人又走出來影相,攪到D職員都拎拎頭...到第三次佢地終於唔敢再出黎...

經過呢件事後,我真的唔願意睇到呢 d ,依家國內成日提既"不文明旅遊",簡直有辱國體呀!!! 我亦都希望我終有一日 ,去到外國時唔使再澄清我來自那裡,可以高呼"我係中國人"啦!!!

行程概要

=======

Cairns

=====

熱帶雨林公園(坐當時全世界最長既纜車,現時已被昂平360取代,坐水陸兩用戰車)

越野四驅車,坐熱氣球睇日出,大堡礁潛水

跳傘...不過無玩,有啤團友犀利呀,竟然玩最高1200米!!!

夢幻樂園 (同樹熊影相 ,餵袋鼠)

Gold Coast

=========

華納影城