2017年11月18日 星期六

Day 1 帶著微銀看世界(阿聯酋杜拜)

(Day 1)2016-10-10
住宿:Holiday Inn Express 
行程:香港 杜拜

因為從未坐過A380空中巨無霸,所以今次行程特別挑選乘阿聯酋航空這型號的航班。其實買機票後,有點後悔,機艙大了,即多了乘客,多了乘客後果會怎樣?相信每人也想像到。另外A380經濟客艙座位是3-4-3,即無機會我們兩人獨霸窗口位置。登機後,勢估不到這班機大約只有1/5乘客,可以怎樣坐、瞓也可以了。另外因為乘客少,得到空中服務員的殷勤招待~ 怪不得知登機前48小時,可以用$3800 upgrade 上商務艙啦,不過諗諗吓,個優惠就無咗lu

下圖:電源接駁齊全


自幾年前發現經濟客位有wifi服務,不過要收費,當年雖然價錢合理,但反正都是使用社交網站,所以無享用過這服務。今次這航班經濟艙也提供wifi服務,甚至有10mb 數據免費使用,隨後只需$1-USD便有多100mb 數據,看來這是未來航班上不可或缺的服務了~(航班橫越印度上空是沒有網絡覆蓋的)(港女按:今年再搭阿聯酋,經濟艙仍然提供限量免費上網,但後續的價格加了。)


出發前整左個微型銀仔,係機上好受空姐空少歡迎呀~~~仲有個空少高八度話"Amazing! It's so cute!" 

用餐時,本來想同港女共享一枝餐酒,但空少拒絕,話每人最少飲一枝,或者更多,餐後仲拎咗商務艙嘅朱古力俾我地食。



近來乘長途機大多選擇中東航班,不知道其他航空公司恢復返這些裝備未呢?



於機上閱讀,一口氣已讀了伊斯蘭世界五份一。除了講述伊斯蘭教、猶太教及基督教這些甚有淵源的也一併講解,內容簡單易明又生動,而且加插很多圖解,絕對是到伊斯蘭世界旅行、或對伊斯蘭教一無所知的人,必讀的一本入門好書。



2315準時到達杜拜機場,入境後到自動櫃員機提款,發現用開的Citi提款咭要收手續費,於是試用港女的銀聯咭,結果沒出現收手續費的信息,得到數百元當地貨幣。銀聯咭跟我張Citi咭一樣,海外提款大部份提款機是不收手續費,但每個國家安排也不一樣,要多多留神。





我們到客運站外,乘坐酒店的專車往早已預約的機場酒店Holiday Inn Express ,約$700-HKD連包早餐,房間很不錯。


P.S. 思前想後,還是先寫中東遊記吧!稍後才一口氣寫環球婚宴之旅,這樣會比較連貫。





14 則留言:

  1. 我近年去歐洲都喜歡坐阿聯酋航空。
    十幾年前去過杜拜,相信現在很不一樣了。

    回覆刪除
    回覆
    1. 十多年前一度流行去杜拜,連歌都有唱呢~ 我十多年前轉機就試過,特登遊覽直到現在才有機會。

      刪除
  2. 回覆
    1. 當然不是!我邊有咁勁⋯⋯ 如我做得出可以唔使Do了~🤣
      訂造的,隨時貴過隻真銀😂

      刪除
  3. 依家海外㩒機真係好方便....
    微銀真係好可愛,唔怪得人地要高八度XXXXD
    班機咁吉可以打橫瞓,超正!

    回覆刪除
    回覆
    1. 絕對是,只要唔怕匯率差些少,當然大前提不是這旅程要用大量金錢啦~
      真銀微銀都人見人愛架,而家覆你留言佢就枕在我手上,有點麻痺。。。

      刪除
  4. 如果係好吉既a380係好唔錯...但當年我係法國番香港架a380係爆哂棚!!!!!!!自此就勁驚~~~~~人多左...但廁所無多到....好恐佈......
    毛里機場附近間holiday inn都很不錯~~
    喂!你仲係寫緊舊年既旅行~~~~~嚴重落後~~~~~~

    回覆刪除
    回覆
    1. 所以我即時後悔了,好在好吉,哈哈~
      里機場附近間holiday inn都很不錯<--我有睇呀,Holiday inn連鎖店,應該保持一貫水準嘅~
      係呀,早前忙緊整分享會PowerPoint,又有其他野攪,忙咗D,不過而家攪掂晒,會加速清理遊記。

      刪除
  5. 銀仔,可以告訴我微銀邊家訂造嗎? 因為我家姐六凱都想訂迼呀。 唔該你先。 ^3^

    回覆刪除
    回覆
    1. 當然~
      https://www.facebook.com/LOVEhandcraft.by.athenana/

      刪除
  6. 戲肉就快出場喇!好野,唔該哂!

    回覆刪除
    回覆
    1. 唔使!我諗過一次過寫數次的環球分禮會較有連貫性。

      刪除
  7. 半年前跟一個很久沒見的朋友吃飯,他和新婚妻子就是在杜拜那邊度蜜月,真是一個很漂亮的地方。

    回覆刪除