續Day 8 路過(突尼西亞突尼斯)

續(Day 8) 2008-10-10 晴

住宿 :Hotel EL Medina 

行程 :Sousse --> Zaghouan --> Tunis

Sousse古城係好特別,但就比較多人嘈雜,所以就決定離開... 諗住北上比較近突尼斯既地方"Zaghouan"

我對Zaghouan既認知,又係係機場挪既簡介講既,裡面用左好少既篇幅講呢個地方,只係講有好靚既山同水...

於是座Lounage係下午到達,一落車,見有座大山係呢個小鎮做背景,環境幽美又舒服; 行得幾步,啱啱個司機話呢個小鎮無住宿,帶我搭另一部車去搵住宿,於是用左10分鐘車程,到達附近另一個小村莊Zriba Village既既一間餐廳幫我問住宿,但就索價$ 20 DT一晚(HKD$120),對我黎講其實就唔係好貴,但就有D比人劏既感覺law…

唯一既住宿都唔考慮既話,唯有焗住提早返突尼斯lu…

於是架Louage又車返我回Zaghouan,並由一位女士我我行一條好多垃圾既馬路,去到另一個往突尼斯既Louage車站

Zaghouan —> Tunnis

$ 6.8 Dinner (約HKD$ 40)

返突尼斯搭車既位置

個多小時車程,係入黑時份到達突尼Louage總站; 不過落左車有點迷網,天都黑齊,究竟邊樹係市中心方向呢?而酒店又係邊樹呢?

???

好在遇上一位熱心既當地人,拎住一袋二袋,佢話佢都係搵住宿,仲帶我去古城區tim~

行左成20分鐘,終於到左古城區最大既廣場,呢度有突尼斯既凱旋門,於是就同個熱心好人分開Lu~

首先我去到一間好簡陋,係樓梯底間個位黎做reception既酒店,個reception阿伯上下打量我後,隨口開個價$20 Dinner (HKD $120)

我聽到後諗,呢D咁差質素都開咁既價錢既?

於是頭也不回就走!

最後搵到間 $15 Dinner(HKD $90)質素都唔係好,但起碼平D同獨立一幢建築物丫~

放低D行李就立即落樓食野~

打開窗既就係我間房啦~

果然係首都,入夜後都咁興旺！去到古城外一間食市，食自埃及後都味食過既燒雞，我入到去問個職員[How much?] 佢竟然連how much唔識聽woo！！！

連其他職員同老細都唔識聽woo呀!!!好在有一個遊客主動幫我翻譯，一隻要 $7 Dinner (HKD $42)，都有D貴woo⋯ 我叫左半隻食都好鬼飽~

食完燒雞後係古城外圍隨意逛，無意中行到一條大街，呢度五星級酒店,餐廳林立，呢D地方正好就像永遠同我地D背包客築起一堵牆一樣⋯

係HK我有每日食一個橙既習慣，既多纖維又有維他命C，但係突尼西亞呢樣水果好似好缺乏咁，內陸更加唔使講，要去到沿海城市Sousse先見到有! 不過係餐廳先有得買鮮搾橙汁，但就無得一個個買黎食…

於是我都係大街既路天茶座飲左柸鮮搾橙汁，盛惠 $2 Dinner(約HKD$ 12)，都幾貴!!!

食完行完，於是就返酒店沖涼休息，每層樓得一個浴室，等左好耐⋯ 係窗口見到D浴室內D燈都熄晒，但都鎖住入唔到去既?

落reception一問，原來先知呢度原來要額外比錢先有得沖涼架⋯

窗口望正凱旋門側面架~