(Day 15) 2009-7-6
住宿 : 阿拉木圖機場
行程 : Aktau —> 阿拉木圖
從網上搵到有關魚子醬既資料:
魚子醬 [維基百科]
魚子醬（Caviar）是用從魚身上的魚卵製成的醬，是「西方三大珍味」（另兩者為鵝肝、松露）之一。幾乎所有種類的魚卵都可被做成魚子醬，但最正宗的是鱘魚的魚卵。最上等的魚子醬是產自裏海中的鱘魚BELUGA、ASETRA、SEVRUGA的黑色魚卵做成的。魚子醬可以放入湯中或夾麵包來吃。
目前仍有鱘魚存活的地方主要是在裏海，裏海這個全世界最大的內陸鹹水湖，周圍的國家有俄羅斯、亞塞拜然和伊朗，俄羅斯皇室貴族嗜吃魚子醬是出名的，因此俄國魚子醬曾經是最高品質的代表，但是現在被世界一致認定的高級魚子醬，卻來自伊朗。
魚子醬的主要產區在北歐一帶，其中以俄羅斯的鱘魚Sturgeon最負盛名，由於裏海靠俄羅斯那一面的鱘魚長期受到污染和無節制的濫捕，優秀的鱘魚都「投奔」到伊朗這一面，加上黑社會也介入這個市場，為求暴利在製作過程中攙加人工化學物；反倒是伊朗對於鱘魚保護有加，並以國營事業統籌管理，保持穩定的品質。
(不過返到香港citysuper睇既魚子醬，都係意、法等歐洲國家入口既)
瞓到11點幾起床，跟住食尋日係超市買返黎，裡海既特產魚子醬勒! 用黎搽麵包做早餐~ 我好似咁大個仔都未食過魚子醬架! 食落有D似蟹子，但無咁爽口同比較鹹，由於一瓶都幾多…
房間又差唔多check out，無雪櫃雪住，所以就夾硬食，食到口擘擘呀…
我食既魚子醬應該唔係咩上等貨識，係超市只係中價貨識約HKD $30幾蚊，最貴既都係百幾港紙，上等貨應該出晒口LU~ 我相信呢度就係裡海，我食既就算唔係靚野我諗都係正宗既魚子呱~
我的豐富早餐
Check out將D行李寄存係酒店，就輕裝行去海邊，見到好多人釣魚、游水 、滑水、水上電單車同香蕉船都有呀!
但就有好多垃圾… 我唔明D內陸國家點解有個海都唔識珍惜既？
有個當地人見我地係遊客，主動借D釣魚工具比我地玩，一玩就玩到1610啦~ 只有兩條收穫…
就係佢借D工具比我玩架啦~
D靚仔連水蛇都捉黎玩 ,不過無毒又唔會咬人
玩完之後就去check e-mail，終於有LOI啦!!!
Higt tea完就攞返D行李，搭的士去機場
貌似謝安琪既酒店職員
呢度D人興將架單車掛出窗架!!!
上網時遇到車禍 ,一個女子比車撞倒...銀仔係哈薩克Atkau現場報導!
不知名教堂
Atkau起緊新客運大樓
機場影日落
機埸有made in china既手電差電器!
係機場等boarding，見到好多人都用iphone呀! 呢度D人真係有錢… 就算係烏茲別克既人普遍電話都好新款，等我最初去到烏茲別克，仲驚比人見到我部”靚”電話Sony W850，點知大部份既人都新過我… 真係好驚唔驚!
2240 boarding
我地就係坐Air Astana
機上雜誌介紹香港喎! 不過就教你飛首都阿斯塔納 ,北京再飛香港!
0220到阿拉木圖，呢度比烏國同Atkau快一小時，由於半夜三更既關係，又要係機場瞓… 準備早起身同Visa搏鬥!
阿拉木圖機場既長櫈比烏國塔什干舒服十倍，有軟墊中間又無扶手頂住，個機埸冷氣又唔凍，好好瞓~
阿拉木圖機場
沒有留言:
張貼留言