Day 24 離開樂土(哈薩克Karkara Village)

(Day 24) 2009-07-15
住宿 :Hotel Turkestan
行程 :Karkara —> 阿拉木圖

起床食完早餐後，好唔願意咁比左$8000-T既住宿費，好唔開心咁離開Karkara⋯

不過我仍然覺得Karkara，係今次哈薩克旅程僅有既樂土~

係Karkara最後的靚景

舊屋既正門

 而個女人既阿哥，尋晚講過佢曾經係解放軍，佢亦都大部份時間幫我做翻譯，知我地要去Kapshagay 湖區旁既Kapshagay，尋晚已經話同我一齊去，又話佢以前公司係果度woo...

於是拜他所賜搭到平民價既的士，由Karkara去Kegen 每人$ 150T，跟住再用每人$ 1000T坐的士回阿拉木圖，真係好平! 呢個價錢係坐來Karkara白牌車既價錢黎架!!! 後來係Kegen仲見返個白牌車家庭Tim~

但當係Kegen我問每人要幾錢車錢時，才知道大家一早已有誤會! 佢原來一直一廂情願咁，以為我請佢做導遊包食包住，而我就以為佢去開順路一齊去，同帶我到當地搵住宿... 

疑團解開後，佢就好嬲係咁鬧，話如果無佢我地唔會坐到咁平既車，鬧完就唔啋我地...
(其實我一早都諗到呢個問題，佢話兩年前公司係果度，咁今次去又做咩呢??? 但始終無問...)

就係坐呢架舊款BANZ返阿拉木圖啦!

開車到中途司機又座地起價，話每件行李要收$500T... 亦有可能個前解放軍懷恨在心係度攪鬼，叫司機賺我地錢! 總之我係哈薩克就從來都無遇到好既的士司機...

個前解放軍最後都可能諗通左，主動開口同我講返野，同埋佢返到阿拉木圖既屋企落車； 其實佢自己都要返阿拉木圖既屋企，因為佢係Karkara，攞左個類似發電機既機器回家...

佢落車時話個司機到步後會車我地去Kapshagay，但就索價$12000-T...(HKD $600) 佢都痴既! 唔使問緊係唔搭啦!

我地坐4小時既車程每人都係 $1500T，而Kapshagay距離阿拉木圖只係得78km，可能半小時就可到達，就要收$ 12000T???完全都唔合邏輯! 我都唔知呢個國家D的士司機係低能定白痴，定係當我地D外國遊客全部都係弱智架呢??? 黎到哈薩克次次搭的士都係咁! 所以我地都好少搭的士，真係火都黎!

唔知係咪因為呢個國家遇上既種種錯拆，令到信心盡失，返到阿拉木圖後，我怕Kapshagay好似Taraz咁搵唔到酒店，所以去左個攪簽證個德國人介紹既雪山滑雪場，既然係滑雪場就緊係有酒店啦，諗住豪返晚...

去到山腳,但見唔到有酒店，我諗會唔會係第二邊呢?

興建中既溜冰場

呢幅圖已話比你聽條樓梯有幾長...

於是見到條超長既樓梯上滑雪場
(由於唔係滑雪季節所以吊車無開)

諗住都黎到唔想第二日再黎呀，唯有背住背囊頂硬上啦...
 

千辛萬苦終於行晒條超長樓梯，原來只係雪道既盡頭，無酒店或任何建築物發現...

雪道清晰可見但就無雪... 早前上網資料講 呢度係前蘇聯訓練滑雪選手既地方黎架!

影左幾張相後，又見到討厭既污雲飄緊過黎同聽到雷聲! 唉...咁辛苦上黎又要急急腳落山lu... 落到中途仲落雨...超凍... 仲要有人發脾4tim!

比我發現哈薩克版既獅子山~

無雪既雪道

落山時又要行見唔到盡頭既樓梯

等車時見到有當地人特登揸D名車上黎BENZ，寶馬等上黎玩飄移! 跟住奏晒樂跳晒舞，原來辦婚事~

但係就係正個工程進行中既溜冰場外，真係唔明D當地人諗咩既!

最後等到第三班車先上到車，又係住返突厥斯坦酒店。

電車

名種流浪貓