Day 12 狂風暴雪(俄羅斯Suzdal)

(Day 12) 2012-03-20
住宿: Gostevoy Dom $1900-RB = $480-HKD

行程 ：Suzdal

尋日入住時,屋主女主人一輪咀講D無人聽得明既俄文,曾經多次講到8點鐘,所以0800起床,原來屋主係為我門準備既熱辣辣鬆餅做早餐呀! 加埋尋日買既魚子醬同自己煮既蛋~ D魚子醬怪怪的...
令我諗返起第一次係玄門正宗既產地,"裡海"食魚子醬既情景呀! 不過D鬆餅就好鬆軟好好味呀~ 呢一刻,有種好似阿媽係我小時候整早餐比我食既感覺呀!



食完早餐就再瞓,一瞓就瞓到1200啦~ 因為決定留兩晚係呢度,所以決定用悠閒既方式來享受呢個寧靜既小鎮~ 當然選擇留兩晚,主因係可以用廉價住晒成間屋啦~

由於半夜落過一場雪,一出室外D雪又厚左好多啦! 又係食午餐既時候,去左間書中及網上推介既餐廳食,價錢合理又好食~ 二人用$775-RB = $180-HKD

好天既相幾靚!!!


餐廳內有好多布偶公仔做裝飾~



俄羅斯招牌食物

呢個真係熱辣辣勁好食~

由於成個Suzdal既建築物主要係用木來造,所以食完諗住去木製博物館,其間港女被D好滑既冰跣到PK,有個醉酒大叔同我一齊扶起,當時當然擔心啦! 但依家成日攞返出黎嘲笑~ 所以有統計過,幸災樂禍位列十大最開心既 三甲 位置架~ 哈哈~


雪足深陷,教訓我地落雪時都係乖乖行返大路吧!

無耐遇到落大雪,加上沿途不停影相,令到進度緩慢,去到已經1530,原來冬季1600就要關館啦! 所以無得入場... 算啦！反正成個Suzdal小鎮,加埋住既木屋,都係一個活生生既博物館黎啦~


凝固左既河流

已關門的木製博物館


仔細觀察,其他民居既門框窗框都全是雕刻,不就是活生生既博物館嗎?

於是回程,近克里姆林宮,竟然有半小時既時間出太陽! 係影靚相好時機黎啦~ 影左一張極為滿意既照片~


就係呢張啦~~~~~

克里姆林宮

淡季一早關門大吉既紀念品市集

最後去一座小鎮裡最著名既一個景點,14世紀開始用木造,用來防禦敵人既堡壘••• 木造? 用火一燒迷燒晒Law? (都唔使請諸葛亮來度橋) 古代俄國人唔通同D智障打仗嗎?



其實今日原定既最後節目,就係係呢個木造堡壘旁,一邊食帶來既茶點,一邊欣賞小鎮既日落,因為呢處可以居高臨下遠眺對面小鎮,景觀開揚~ 點知落大雪仍未停止, 咁唯有改為欣賞雪景啦~ 個feel都好似唔錯~
因天氣寒冷+大風雪,所以就影唔到靚相... 落雪又無瓦摭頭既關係,連坐都唔耐! 坐左一陣已經佈滿積雪啦!!! 食埋特登帶來既茶點就返屋企lu~ (已經當左係自己屋企,哈哈~ )

中間係愛沙尼亞帶來既果仁,側邊兩包係超市買既乳酪~

回程路上,天氣更加惡劣,直頭用狂風暴雪來形用呀!!! 身上佈滿厚厚既積雪•••

好恐怖

今日既風雪真的睇個夠了,加上係舉步維艱既雪地上行走,真係好鬼攰••• 港女對雪靴入晒水,原來係香港所謂既雪靴係得個名咋! 哈哈~~~
晚餐食自製長通粉晚餐~



一邊打遊記一邊飲熱茶~