去吧加勒比海! 出發!

當港女收返兩本護照當日，即時上網book條大飛，我地會以墨西哥為往返香港既樞紐，經價格後最平係選乘America Airline，經達拉斯到墨西哥城，就係為左平幾千蚊既機票先至去攪美國Visa咋! 我地會先趕緊參觀墨西哥於2/11既亡靈節，之後隨即前往巴哈馬群島。

其實今次旅程主要遊玩三個地方，巴哈馬群島，牙買加及古巴，但由於牙買加去古巴程機票發現會停開曼群島，再check停開曼群島機票只係多二、三百蚊，咁無理由唔去埋架! 諗住玩一個weekend~ 所以離開巴哈馬後時間有點緊迫。

另外由於今次係去眾多既島國遊玩，國與國之間亦只有飛機選擇，不能用我以往既作風不作plainning，所以今次要精確計算每個國家所逗留既日數來買機票。

以下有我初步計劃

墨西哥：亡靈節，奇琴伊察

巴哈馬群島：粉紅沙灘

牙買加：Honeymoon

開曼群島：隨意

古巴：隨意 

多程機票如下：

1.HKG —> Dallas —> Mexico City —> Miami —> Nassau(巴哈馬)

<—return—> Cancun —> Dallas —> HKG

(American Airlines $ 13081-HKD)

2.Nassau —> Kingston(牙買加)

(加勒比海航空 $2229-HKD)

3.Kingston —> 開曼群島 —> Havana古巴

(Cayman Airways $2400) 

6.Havana —> Cancun墨西哥

(古巴航空 $2180)

六套機票近十程機程都只係每人兩萬蚊有找! 算唔錯~

巴哈馬群島真係純粹為了個粉紅沙灘⋯ 因為從網上資料顯示，Harbour Island既住宿貴得驚人，千多圓港幣都無甚特別，何況結婚唔同以前咁，當然要住好少少啦! 結婚愉快既心情，都被價錢有所影響⋯

及後從網上睇到牙買加極有蜜月feel，而且價錢也合理! 所以honeymoon就無諗過巴哈馬了!

另外從網上search牙買加，巴哈馬群島等地，原來一早已有好多國內人去honeymoon啦! 所以中文資訊不難搜集，尤其牙買加，自從對中國護照免簽後，國內人都好珍惜機會，生意的生意，旅遊的旅遊； 而香港人，其實好幸福，好多地方都免簽，又多直航機，不過就唔識珍惜⋯

好! 出發吧!