旅行x結婚x蜜月・後記

《旅行x結婚x蜜月》呢個一生人一次大Project終於完結了~ 以後旅行就真係細心遊歷，唔使再煩影婚紗相啦！Wakaka~ 講笑啫，辛苦少少都值得嘅！

Day 9 Nassau黑夜(巴哈馬群島Nassau)

(Day 9) 2014-11-9

住宿：Grant's Abode民宿$671

行程：Harbour Island —> Nassau

結婚後第一個早晨，先去尋日攝影師帶我地去既海邊影靚相，後來先知水中既枯樹原來係該島既景點，連postcard都有架! 不過今早水漲行唔到出去，亦無尋日黃昏影婚紗相水退時一片金黃色。 影相後再行去另一面既粉紅沙灘再次感受，並裝一樽沙作婚禮手信； 星期日關係，所有賣手信舖頭關門大吉！ 想買手信都唔得！ 於是去油站買杯麵、果汁同橙早餐返酒店食。

Day 8 情定巴哈馬(巴哈馬群島Harbour Island)

(Day 8) 2014-11-8

住宿：Valentine's Resort & Marina

行程：Harbour Island

今日係我地既大喜日子，並且搬到一間較豪華既酒店，就是替我們辦婚禮既酒店。一早起身喺原來酒店食早餐，之後就執包袱去新酒店。新酒店都幾慷慨，早一晚打嚟話可以提早入住，以便準備婚禮事宜。入到酒店房，都覺得性價比合理。港女一枝箭走去沐浴更衣，銀仔亦爭取時間淥咗兩個杯麵。

Day 7 明天我要嫁給你(巴哈馬群島Harbour Island)

(Day 7) 2014-11-7

住宿：Tingum Village hotel

行程：Harbour Island

是日無晒D相，唯有用尋日既相頂替

瞓醒食完住宿包埋既早餐，婆婆個仔又同我地傾起香港革命問題，佢講開原來美國電台好偏頗，所以要睇埋BBC喎。

係大廳上一陣網，搵定下一站牙買加既資料，竟然搵到有內地人一家大細去牙買加自駕遊既遊記喎！講埋文化及食物等等好詳盡，反而就搵唔到香港人寫既遊記，你話吖，我地香港人真係唔再可以自以為是了... 於是順便book左第一晚係首都京斯敦既B&B。

Day 6 粉紅沙灘(巴哈馬群島Harbour Island)

(Day 6) 2014-11-6

住宿：Tingum Village hotel

行程：Harbour Island

0930好有動力起床，就係因為食包埋既早餐，因為呢度物價實在太貴了，就算只有麵包加牛油／果醬、水果、咖啡同橙汁已經謝天謝地。

食飽第一時間去粉紅沙灘，因為粉紅沙灘係東面，要早上去先較pink架！(我估計) 

嘩！真係幾Pink喎！不過我攝影技術較差，要調教白平衡先有粉紅感覺。攞起D沙細看，發現真係有粉紅既粒子架！ 

因此，我地網上看到既圖片真係假得厲害，肉眼去望呈現輕微粉紅，而不是網上圖片所見粉紅得咁緊要! 再一次証明，平時聽人講、或上網所見既任何事都不能盡信，要眼見為真，耳聽為實呀!

"好似"用了陰天白平衡，沙看起來較Pink

Day 5 昂貴小島(巴哈馬群島Harbour Island)

(Day 5) 2014-11-5

住宿：Tingum Village hotel

行程：Nassau —> Harbour Island

0500大清早起床

由於屋主稱搭的士去碼頭，起碼要$40-USD，但巴士只需每人$1.5-USD，銀仔咁精打細算，當然搭巴士啦！雖然巴士不能直達，但去到市中心再搭的士都唔會咁貴嘛~

於是0615步行去驚濤拍岸既岸邊大路等車，10號巴士，果然如Shaun所講，"焚機"+ 瘋狂駕駛！ 但呢架車只去到市中心，看見有多架巴士向碼頭方向行駛，細心觀察，有一架7a巴士係去我地要到既地方，最後兩人只用了$6-USD就到了。 銀仔勁! 哈哈~ (自我陶醉) 

Day 4 最愛飲品(巴哈馬群島Nassau)

(Day 4) 2014-11-4

住宿：民宿$400-HKD

行程：Nassau（巴哈馬群島）

出發前講開會去巴哈馬群島註冊，朋友第一時間反應係「吓？巴拿馬？」，只有係澳洲長大既表妹一聽就知道 “wow, Bahamas~~~” 一聲嚮往既回應。

今日用$45-USD一日租阿Shaun 架車一日，駕駛時戰戰兢兢，因聽屋主阿Shaun講Nassau好危險，又老笠又爆車，仲話D人會係馬路整D障礙物來打劫，起初見到D障礙物都特別Alert架!

先去出發去機場攞返兩個背囊 ，一出路口已俾湛藍既海水吸引著我既眼睛，點解加勒比海d水會咁藍架！

Day 3 行李Delay(巴哈馬群島Nassau)

(Day 3) 2014-11-3

住宿：民宿$400-HKD

行程：墨西哥城 —> 邁阿密 —> Nassau(巴哈馬群島)

晨早起床，原本打算去尋日去過既街市食早餐，點知成個街市都無咁早開，於是在街市外圍食了一舊甜既Elote(用荷葉包住D糯米，內有甜餡料)

網上圖片

去吧加勒比海! 出發!

當港女收返兩本護照當日，即時上網book條大飛，我地會以墨西哥為往返香港既樞紐，經價格後最平係選乘America Airline，經達拉斯到墨西哥城，就係為左平幾千蚊既機票先至去攪美國Visa咋! 我地會先趕緊參觀墨西哥於2/11既亡靈節，之後隨即前往巴哈馬群島。

證件血淚史(完)

證件血淚史(完)

相信大家已經睇上兩篇密麻麻嘅字已經好辛苦，我亦寫到嘔心瀝血，所以呢篇一定要大團圓結局，齊歡唱、同慶賀。

證件血淚史（中）

證件血淚史（中）

申請文件，包括已簽署的聲明書、兩張證件相、住址證明、身份證副本連所有護照正本（主要係特區護照，如未能提供正本要列明原因同埋將成本護照彩色影印寄過去）（按：呢個無聊要求8月中已取消）以空郵掛號寄到英國利物浦的護照辦事處，滿以為可以撓埋雙手等護照，點知寄出後幾日撞到一位非常關心國際事務嘅朋友，話我知英國護照部門因為工作量急增，所以積壓咗大量申請，可能會有排等。

證件血淚史（上）

證件血淚史（上）

大家好，起初跟銀仔孭起背囊時，都無諗到會有同佢分享呢個小天地嘅一日。正所謂「入屋叫人」，我的確要多謝銀仔帶住港女去睇呢個世界，話說我識佢之前，未去過歐洲、未見過雪，結果第一次同佢去旅行就係感受3月嘅俄羅斯同芬蘭，之後仲去過不時大風大雪嘅冰島，而家諗起都「不禁倒抽一口涼氣」。嚟緊呢個夢想之旅，可以同銀仔步入人生另一個階段，亦係我第一次踏足美洲大陸，仲有機會練習BB班程度嘅西班牙文，實在非常期待！

旅行•結婚•蜜月@加勒比海

銀仔人到中年，終於走進人生既另一個階段，就係要成家立室勒！ 與港女相處過三個年頭，及經歷過多次既旅程，她不只是一位好太太，也是一位好旅伴，所以拍拖無耐，已覺得只有她才可以與我㩗手逛盡地球任何角落既人。

網上搵到既粉紅沙灘