後記

呢個行程算係我咁多次既旅程最精彩既一次~ 一人獨遊，到達北極圈，身處極地格陵蘭，看見震撼既極光，連同之前利物浦朝聖，一個行程滿足晒三個人生願望呀！ 

結伴同遊係好開心，不過我更愛獨遊！ 喜愛獨遊多年，直至今天才發現原因，原來就係想獨霸眼前既一切••• 再者，一個人浪遊遇到既人和事，絕對係結伴同遊所不可能遇到的！ 所以••• 我喜歡這種Style, 我喜歡這種感覺！

Day 24&25 不快也是經歷(完)

(Day 24&25) 2012-10-14&15

住宿：航班上

行程：倫敦 —>多哈 —> 香港

食完返酒店攞返D行李，預成個鐘去機場諗住夠時間啦！ 點知我要去既Terminal 4 ，係要去到機場前一個站特別轉車，因為所有既地鐵都去Terminal 1，2，3及5的，就係無4!!!

Day 24 愛得太遲(英國倫敦)

(Day 24) 2012-10-14

住宿：航班上

行程：倫敦—>多哈

呢間酒店算是照顧周到，星期日既早餐時間延遲多半個鐘，即係可以瞓多半個鐘〜

食完早餐後決定今個行程最後一日既節目，就係搭古老既雙層巴士~

Day 23 倫敦單車遊(英國倫敦)

(Day 23) 2012-10-13 

住宿：Grance Fitzrovia Hote

行程：倫敦

0930起床，食酒店極豐富，服務一流既早餐，每枱都有獨立既五瓶果醬都知係絕不簡單啦！ 睇睇個餐牌原來外來人要入黎食一個早餐buffet要成£18架！ 所以收我£103一晚都算是合理吧！ 食完個早餐又上房瞓覺Lu〜 一瞓就瞓到1300

Day 22 進軍溫布萊(英國倫敦)

(Day 22) 2012-10-12  晴

住宿：Grance Fitzrovia Hote

行程：格陵蘭 —> 冰島 —> 英國倫敦

係冰島時間0245就到其首都啦！ 原來兩個機場係有flybus接駁喎！$1950-Kr ($120-HKD) 等我仲準備行半個鐘去巴士站Tim•••

@0400

係機場巴士用Wifi打通世界先~ 因為係Greenland差不多成個禮拜與世隔絕！ 去到機場反而無Free Wifi 用Lu•••

Day 21 再見極地(格陵蘭Nuuk)

(Day 21) 2012-10-11

住宿：航班上

行程：格陵蘭 —> 冰島

0900起床沖涼，因為今晚先搭夜機，之前唔使旨意有涼沖呀！

來左旅行咁多日，今日終於先慢慢享受早餐，因為有太多時間啦！一食就食夠一個鐘，又睇返係冰島load左既過期報紙，今日應該會好悠閒的一天〜

Day 20 失而復得(格陵蘭Nuuk)

(Day 20) 2012-10-10 晴

住宿：Seamen Hotel

行程：Nuuk

今早起身有個奇怪諗法，見今日又咁多時間，不如係極地Greenland 跑步也不錯噃〜 於是食早餐時就睇地圖，跑D我尋日無去過既地方先〜

Day 19 慎終追遠(格陵蘭Nuuk)

(Day 19)2012-10-09 晴

住宿：Seamen Hotel

行程：Sisimiut --> Nuuk

尋晚有個二百幾磅既大肥佬瞓左係上格，鼻鼾聲好勁，攪到成間房都嘈到拆天！ 

@0550起床

瞓左兩晚既床位

0640返到Greenland 既首府Nuuk靠岸，我第一時間落船，急急腳就行去大約十分鐘路程既Seaman house Hotel，因為呢度相信係最平，而到Greenland 既第一晚又full晒，再者今次我又無book定，怕同船都有人搵住宿而又full晒，所以迷急急腳囉！

Day 18 船上瑣碎事(格陵蘭Sisimiut)

(Day 18)2012-10-08 陰
住宿：船上
行程：Sisimiut à Nuuk

今日0815起床，因為船將會係0900於Sisimiut 靠岸呀！ Sisimiut 亦都係我最初plan去既城鎮，由於Ilsulisat 位於再北一點,所以便放棄Sisimiut。


剛落船時尋日識既丹麥女人Marie 叫我join其他三個丹麥人一齊去手工藝市場參觀，咁就大出血Lu ...

續Day 17 發現號(格陵蘭Ilsulisat)

續(Day 17) 2012-10-07 晴

住宿 :船上

行程 ：Ilsulisat --> Aasiaat --> Sisimiut

食完就返旅行社攞返D行李，同埋啱啱一齊join tour既丹麥女人一齊去搭船。

上船前係一個更亭取船票，seat no.係224，點知係開得出黎既床位喎！ 係間8人大房，我既class係"SARFAQITTUK" (因為我買最平既票，亦都無講明有床既）我仲以為好似之前坐船去克羅地亞咁要周圍霸位瞓Tim!

上到船著好晒禦寒衣物，就去舺板欣賞日落，希望見到埋鯨魚啦～ 1700準時開出！ Byebye啦，給我幸福，刺激，印象深刻既Ilsulisat ~

Day 17 雪橇(格陵蘭ilsulisat)

(Day 17) 2012-10-07 晴

行程：Ilsulisat

尋晚開晒所有窗廉瞓,極光雖然比月亮既光芒所掩蓋，但仍有明亮既星星，係夢幻般既酒店，對住天窗既繁星入睡，感覺好幸福呀～

另外尋晚扎醒時，依稀記起唔見左副太陽眼鏡，應該係Hostel臨走時，同肥叔叔合照時留低架！ 一障一定要返去問吓先～

續Day 16 夢幻旅館,幸福極光(格陵蘭Ilsulisat)

續(Day 16)2012-10-06

住宿：Arctic Hotel
行程：Ilsulisat

今晚入住Arctic Hotel裡既IGLO獨立屋，IGLO係仿愛斯基摩人既冰屋建成既現代化冰屋，仲入選全球十大夢幻酒店Tim! 
全酒店只得五間IGLO咋！係出發前一兩月上網check，有D日子仲full晒tim！緊係一早book定啦！

Day 16 冰雪封路(格陵蘭Ilsulisat)

(Day 16) 2012-10-06 晴

住宿：Arctic Hotel
行程：Ilsulisat

0700起床食早餐，食左香港帶來既即沖多穀粥，好warm呀！ 食早餐時，班當地人大叔仲向我介紹一陣行山既路線Tim ~ 
看出窗外橫風橫雪，看似成晚都未停過，地上積滿厚厚既積雪，我都擔心緊一陣會否有危險

續Day 15 北緯69(格陵蘭Ilsulisat)

(續Day 15) 2012-10-05

住宿：Ilsulisat Hostel 
行程：格陵蘭Nuuk --> Ilsulisat

Check in完又係一間餐廳咁大既機場等侯，見工作人員正為佈滿積雪既飛機清理，唔知會唔會delay呢？


1320準時boarding，呢程選乘Air Greenland，不設劃位；起飛後只見白蒙蒙既陸地，與"綠色土地"這個名相影成趣〜 正如Iceland一片線色土地一樣！ 改呢兩個地名既故事，係好早之前既一本"航海地理征服＂既書本裡睇過。內裡唔係講哥倫布，達咖瑪等大人物，而是講一D比較少人知既航海故事；可能細時鍾意打＂大航海時代＂既Game，自己都對呢D知識有少少興趣。

Day 15 極地初體驗(格陵蘭Nuuk)

(Day 15) 2012-10-05

住宿：Ilsulisat Hostel 
行程：格陵蘭Nuuk --> Ilsulisat


鬧鐘較左0830起床，但工人7點幾就開dup野，因為HEE Hotel旁有一個地盤。 打開窗廉，第一次真正看清楚呢個格陵蘭首都。


早餐算是豐富，食飽後要快執拾行裝check out，因為這裡是1000 check out的！

HEE Hotel

當地人似足亞洲人,相傳來自西伯利亞

先去Greenland Bank換錢，然後趁有個多小時既空檔，來個慢步市中心先~ 然後去旅客中心攞一點資訊，有市內巴士圖，但只得丹麥文，要個staff來講解。個staff仲話依家唔算好high season，因為國內有唔同地方既官員來Nuuk開會，所以酒店咁full啫〜 

續Day 14 既是結束,也是開始(格陵蘭Nuuk)

續(Day 14) 2012-10-04
住宿：HEE Hotel
行程：冰島 --＞格陵蘭

這個機場似是Air Iceland既專用機場噃~ Check in 完後出到室外，於寒風下食包餅，飲埋保暖壺內的暖水，望著被晚霞覆蓋的冰島,回想與港女既相處,思潮起伏,呆呆出神...

過了保安檢查後到達一個小小既候機室，即時看到很多Greenland 既地圖掛在牆上啦〜

Day 14 離別(冰島雷克雅未克)

(Day 14) 2012-10-04
住宿：HEE Hotel
行程：冰島 --＞格陵蘭

今朝揸車返到首都雷克雅未克已是十點幾啦! 唔還車住,用僅餘既時間去埋餘下想去既景點先~ 著名既藍湖溫泉? 早已去了無咁商業化,及更便宜既米湖,所以唔去!

先去碼頭,可能係海邊,寒風很太! 只見觀鯨既公司成行成市,果然係觀鯨既熱門地~ 及後路經小小既湖區,有好多天鵝棲息; 最後去埋現代版藝術品既地標維京船骨架。

Day 13(下) 極光! 加點幻想吧!(冰島雷克雅未克近郊)

(Day 13) (下) 2012-10-03
住宿：Hjardarol Guesthouse
行程：Akranes --> Kerid --> 雷克雅未克近郊

睇完火山湖太陽已開始下山啦! 去到首都近郊搵到一處頗具規模既住宿,似是一個營地。 Esther與住宿負責人交談得知,負責人已是兩子之母,早年問銀行借了一筆貸款買下該塊土地來經營旅館,依家再借錢去讀書... 呢種借貸度日既生活方式正正就係西方人既理財理念,亦是早前金融海嘯既源頭,即次按既問題... 呢種理財方式我地中國人是難以理解的! 我估佢欠債既數目一定唔少,相信更是沒有積蓄,不過見佢還輕鬆自在沒半點憂愁,比著香港任何一個人,一定天天愁眉苦臉啦! 再諗起時下香港既人起勢係度鬧樓價貴,諷刺不願做樓奴... 現時香港樓價真的係好貴,但西方人既理財觀念何只做樓奴,直頭乜奴乜奴都做齊啦...

Day 13(上) 火山湖(冰島Kerid)

(Day 13) 2012-10-03
住宿：Hjardarol Guesthouse
行程：Akranes --> Kerid --> 雷克雅未克近郊


話說尋晚苦候極光都睇唔到，起身一上網check，原來半夜時份既指數極高，平均4至5，曾經仲上到去7 Tim! 唉•••睇黎都無緣Lu...

係酒店食完自製早餐,就向首都方向南下;開車約一個小時,去到個有規模既騎術學校Laxnex horse farm; 來冰島主要目的係睇極光,而騎雙腳短短的冰島馬都係來冰島想做既活動; 騎冰島馬原本$8000，Discount 左$ 7000兩個鐘。 Esther佢地話係紐西蘭騎過馬唔騎喎,於是佢地自己揸車去其他地方遊覽; 其實我都係其他地方騎過,不過我都好想騎吓冰島獨有既品種,而港女就真係未騎過馬架!
@1330

Day 12 睇極光定係睇月光?(冰島Akranes近郊)

(Day 12)2012-10-02
住宿：Laxarbakki
行程：Syðsta Grund --> Akranes近郊

朝早食完早餐,走去大屋與兩位長者傾計,原來位伯伯已有七十多歲啦! 仲見佢維修自己既大貨車,係車頭爬來爬去,真係睇唔出! 講開佢既飬既生畜,原來D馬用處不太大,不過飬佢又唔使費神,機本上唔使理佢由佢自己食草就得。