Day 4 古羅馬遺址(法國普羅旺斯)

(Day 4) 2015-04-04

住宿：Hotel BB

行程：Orange —> 嘉爾水道橋 —> Nimes

Orange

瞓醒執拾好行李check out，揸車去食早餐。去到露天停車場見D人好似唔使比錢泊車咁，但係出入口又有部泊車售票機喎。無謂因小失大，當然想比錢。但就唔識用部機，問緊一位嬸嬸時，又有另一個大叔加入幫忙，但都係言語不通，無辦法理解到點用。最後有另一位女士幫忙，才知道停泊45分鐘係免費的⋯ 法國人真係nice~

街上只見路人手持一條條嘅長條麵包步行，相信法國人早餐係食麵包為主。於是入了一間麵包店食早餐，麵包當然新鮮出爐啦~ 仲一人一杯咖啡，正式歐陸生活。

@1000

早餐後決定去行吓山，於是揸車到劇場嘅後山，泊低車就沿小徑步行，沿途有好多五顏六色嘅花。原來都有唔少人上嚟，因為山上有不少於香港已不復見嘅小朋友設施，如滑梯、韆鞦等。只需步行五分鐘就到達個無敵靚景，能從高望下古羅馬遺跡及Orange全景。

大人細路嘅設施都有

臨走前見有人於遺跡方向的小路上來，可能是相通的，於是大家都一齊沿崎嶇的小路探吓險。其間要一些輕微攀爬等動作，無耐就到遺跡，見到有大閘被鎖上。這遺址跟我去希臘時見過嘅劇場一模一樣，只好自拍吓就算。

睇完劇場後，再回市中心略略睇吓每個景點就駕車離開Orange，前往下一站嘉爾水道橋。

奧朗日古羅馬劇場

奧朗日古羅馬劇場（法語：Théâtre antique d'Orange）是位於法國南部沃呂克茲省奧朗日的一座古羅馬劇場遺址。奧朗日古羅馬劇場保存狀態完好，被聯合國教科文組織指定為世界文化遺產。劇場建造於1世紀時奧古斯都統治時期。劇場估計可收納8000人至10000人。4世紀時劇場被放棄，化為廢墟。在中世紀時則是防衛據點。1825年後劇場得到修復。自1869年起，每年夏季都在這裡舉辦奧朗日藝術節。

迴旋處中間一個劇院古蹟

法國地方有凱旋門絕不新奇啦~

於路途上路經家樂福超市，每位團友睇到唔捨得走。因為大部份價錢只是香港嘅半價甚至更低，於是買了藍芝士、餅乾、乳酪、西班牙火腿作為今日嘅午餐。（港女按：我就買了兩盒因包裝破損而做特價嘅茶包，其實茶包都用膠袋獨立包裝，所以無所謂啦。另外買了兩舊普羅旺斯特產番梘，好香之餘又有強勁磨沙粒子，而家開心使用中。）

沿著嘉爾水道橋方向行駛，亦一路尋找野餐地點。去到公路旁的一間住宿門口，有一大片嘅草地，絕對適合不過，附近亦有一對夫婦停車用餐。各人用膠袋、紙袋墊住食物，然後小心翼翼坐下，因為草地上較多有尖刺嘅植物，唔想屁股開花。於這片美景下野餐，喺香港好少有呢份閒情逸致，真係心曠神怡呀！

旁邊有一間類似莊園嘅住宿，外圍所見十分唔錯，野餐期間亦見到有幾班客人入內，可惜離我要去嘅下一站太遠了，所以無緣入住。

@1415

超巨型朱古力

成排雪櫃都係乳酪!

野餐旁的住宿

嘉爾水道橋

半小時後到達嘉爾水道橋，全車4個人入場費只需€18，仲包埋泊車，以一個歐洲著名景點來講算好平啦!

「嘉爾水道橋」對鍾意讀歷史的我來講絕不陌生，不論書本或電腦遊戲出現頻率都好高。由於當時只係初中，都唔係好記得了，今次再重新認識。

景點內發現好多人帶埋隻狗狗一齊遊覽，睇嚟歐洲對寵物嘅接受程度好高，直頭係社會嘅一份子。

讀萬卷書不如行萬里路之嘉爾水道橋：(取自Wiki)

在奧古斯都全盛時期，當時古爾南邊的尼姆是在羅馬的統治之下。 奧古斯都在此建立了一個城鎮，公元前19～20年，阿格里巴佔有這個城鎮及週邊地區。 當時，城內有許多天然泉水，但要保證城內居民的飲用水得到足量的供應，還必須從尼姆以北50公里外修建渠道，將泉水運送到目的地，加爾橋便是這一工程中很小的一部分。 許多渠道是修在地下的，經過周密謹慎的計算和設計，使其有高低不平的段落。 這就是運用一個簡單的地勢落差避免了安裝、設置壓力系統來排除水流動過程中的障礙和促進水流動的動力。 位於地表的一段橫渠需跨越加爾河（附近約21公里處），於是加爾橋被建造。 它是這輸水管道的一部分，當然，也是跨越加德河的通道，供敞蓬雙輪馬車、行人通行。 在尼姆的城牆內，人們仍能見到一個圓形水池。 它帶有一個沉澱槽以及一系列閘門和出水口。 這些設施曾在需要時用於將水引到城市的供水系統。

停車場票，可惜出閘時收回

嘉爾橋收費

左：入口處
右：入場票售票機

臨離開時有大合奏

Nimes尼姆

離開嘉爾水道橋，一面前往Nimes方向並沿公路尋找住宿。不過其中參觀一間於公路旁住宿係我來法國最差嘅，外型好殘舊，房間內似烏溪沙嘅裝潢，好嗅煙味，每家住客中門大開，大部份為黑人家庭，小朋友四處跑，似足安置區咁，而且收費絕不便宜，好似要成€60一間房! 落後地方我預左，但今次來先進地方浮華之旅嘛，當然走人啦!

於是一直駕駛去到今晚嘅落腳處Nimes，看來Nimes是一個較大嘅城市、連火車站都有，所以於城市內駕駛有點麻煩，好多燈位同單程路。市中心住宿好full，有房的價錢又幾貴，仲要無位泊車，將架Benz喺街泊過夜又怕治安唔好，於是漏夜繼續向下一站方向行駛。

用GPS搜尋附近住宿，去到Nimes近郊位置看到幾間酒店，大部分都很便宜。最後選擇了喺Orange住唔到的連鎖B&B，一間房€55，真係太開心，因為市中心內住宿價錢普遍過€100。

@2000

Wiki:尼姆是法國加爾省的省會，並是此省的最大城市，尼姆有著古老的歷史。市內的歷史遺跡被列為世界文化遺產。

晚餐去剛才路過，於住宿斜對面嘅Buffalo。一轉入餐廳即時有隻Buffalo阻路，要繞過才可泊車。300gm牛扒€18，好抵呀！餐廳比較似美式扒房，氣氛熱鬧隨意，食牛扒飲法國啤酒。呢餐唔使慢慢食兩個鐘，最後由港女發辦食埋個甜品拼盤，好滿足呀！

我地選擇中價嘅€55