Day 5 衝上雲霄Ⅲ(關島)

(Day 5) 2014-01-08

住宿：Sheraton Hotel

行程：關島

關島重頭戲節目，就係”衝上雲霄”喇! 

晨早起床，我同港女食上次冰島食剩既即沖食物”五穀粥”，而兩老應該都係挨杯麵。

0915揸飛機公司既專車來接我們,"架仔"司機當知道兩老都上車時都有D驚奇! 咁我地表示兩老係乘客(因為揸飛機時可以載兩名乘客) 佢諗左陣都比晒我地上車； 當時7人車上已有一對日本情侶，咁唯有迫少少了⋯

這個體驗揸飛機既公司，叫”Sky Guam”應該由日本人經營，因為每個職員都係日本人； 今次體驗飛行每人$190-USD 45 min可載兩名乘客

我們先到”候機室”等候，因為同我地同車來既日本情侶玩先； 這裡有咖啡水機Ice tea任你享用~ 牆上掛左駕駛倉既大型海報，模型飛機隨處可見，仲有各式制服比你著黎影相啦~ 個職員鄭重咁講，D制服影吓相好啦，切勿試圖著去揸飛機，因為會好熱的! 哈哈~ 睇黎真係有人咁做噃~

等了超過半小時，終於到我地啦~ 先由港女做機師，乘客有我同阿媽，用盡乘客名額! 因為我要影相同錄影嘛! 而兩老，當尋日提議玩揸飛機時，都預左”蛇歸”阿媽唔坐，姑且一問，佢竟然話願意做乘客喎! 真係估佢唔到! 當然仲有一個就係助手啦~ 即教練!

第二轉輪到Captain Silver啦~ 乘客有老豆，港女負責揸機；整個過程不太難，全程教練旁住，我只係控制駄盤； 出到跑道佢會指示你當去到標板某過速度，就要慢慢將駄盤拉埋身邊起飛啦~ 上到雲霄，只需跟從教練既轉向，可能係空中既時間太長，疲累既教練比我望到佢釣魚呀!

最難既莫過於降落，極力嘗試將架飛機對準條跑道，但都偏差太遠⋯ 這樣教練三爬兩潑就對準跑道給我降落了~ 呢方面港女做得好過我呀!

玩後感：

這個價錢絕對超值! 搭去羅塔島短短半小時既機程都要二千港紙啦! 差不多相同價錢，仲可以自己駕駛，時間比去羅塔島更長，仲可以載多個乘客! 再者如只係搭觀光飛機，相信世界任何地方都過$500-HKD呱？ 所以呢個乘客又係抵既! 所有野加加埋埋都唔使講啦⋯

玩完後返入”後機室”，坐爆晒等候既客人，而且全是香港人tim! 睇黎揸飛機係港人來關島必玩既節目噃~ 

之後諗住買返D手信，但司機企定定係門口好似趕我地走咁，唯有唔買⋯

午餐去杜夢區食日本居酒屋

$33-USD