撒哈拉之旅(完)

Day 6 -- 撒哈拉之旅(完)

係寂靜無聲,滿天繁星既撒哈拉沙漠露宿過了一晚,係太陽未出現之前已被凍醒... 沙漠既溫差真係好大! 我諗入黑後溫度只得幾度! 而最緊要係因為沙漠空曠既關係,好大風!

可能瞓醒後個人比較虛弱,雖然蓋了三張毯,但仍寒風透骨,再也不能入睡了!

望一望手上既手錶,原來已經係5點! 瞓醒後再次被美麗既星空包圍住! 我相信不久太陽將會出現,美麗既星空將會消失,於是拿出相機拍下最後的美景。

過了一陣,東方既地平線上隱約出現一道光芒,扎掩蓋了萬千既星空,未見太陽,先見其發出既光芒; 此時見營地既另一面,駱駝主人們生了一個成層樓高既大火唔知做咩呢?

而一個男團友係亦瞓醒係營地既邊沿小便,我於是都捨棄離營地老遠既廁所,有樣學樣~ 並用樽裝礦泉水黎洗面漱口後,便去營地既東面欣賞日出~

係籬笆探頭觀望,見到我地日頭所乘既十多隻駱駝係營地外圍,唔使用繩挷住唔驚走失咩???

由於東面遠處有一大片沙丘,阻擋住日出,久久也未見太陽伯伯既出現... 但太陽既光芒已開始照片整個大地,黎明既感覺到生機重現,煩擾既蒼蠅亦都動員出擊,果然真的充滿生機呀!!! 真係唔明點解D蒼蠅入黑後消失於無形呢? 而佢地又厘埋係邊呢???

此時駱駝主人們所生既大火已變為細火,於是我都過去取暖順便睇吓佢地攪咩先? 原來佢地做阿荗呀! “整餅”

佢話係我地既早餐WOO~ 見佢地係火堆旁沙地上佈既一塊布上,起勁咁搓麵粉成餅狀,然後好似睇”射鵰英雄傳”裡既黃蓉整比洪七公食既”乞兒雞”咁! 係地下用沙裹滿製成餅狀既麵粉上,用火烤起來; 烤得一會,麵粉變硬,沙中透出麵包香味,知道地道既”餅”經已製成啦!

然後見佢地再煲當地人飲既茶,就成了撒哈拉沙漠地道既早餐啦~~~

幫我翻譯既德國情侶~

好多問題問我而又唔識講英文既法國夫婦

食完早餐就準備回程,駐營地既當地人向我們收取TIPS; 我見其他團友每人都只係比 $1 dinner,我於是比佢 $2 dinner, $ 2 dinner其實都係得於港幣十零蚊咋! 佢都覺得好似滿足咁呀!!!

我尋晚就係瞓係呢兩個營地中間既地下 ,被千萬顆星星懷抱下瞓覺啦~

食飯既大營

打道回府!

德國女團友背部失守! 其實每個人都失守!

然後騎駱駝回程,竟然咁啱又坐返尋日騎既駱駝WOO! 算係一種緣份呱~

回程時感覺特別快,無耐就返到近DOUZ既沙漠邊沿,又係比TIPS既時候啦! 駱駝主人感覺亦都係開心滿足呀!!! 一D都唔貪錢不求回報呀~~~

見到同團友臨分開之際,佢地都拿出撒哈拉戰利品”沙”,我突然發覺原來我未攞戰利品架!!! 於是係附近地下執個膠樽,再入D沙... 但呢度D沙已經唔係沙漠既內部咁純正,有雜質亦有垃圾... 其他團友見我咁慘都紛紛比D沙我,佢地真係好人啦! 最後都湊夠大半樽!

結束撒哈拉之旅搭四驅車返回20 MAR HOTEL,隨即清洗我風塵僕僕,兩日無沖過涼既身軀~ 準備離開DOUZ,去下一個既目的地Matamata啦~

總結呢次撒哈拉沙漠之旅,雖只係去到了撒哈拉沙漠既皮毛,但就玩晒騎駱駝,睇沙漠日落,欣賞滿天繁星,睇日出等等!!!

一切都是令人印象深刻難忘的經歷! 兩日一夜都只係$ 45 dinner,相等於港幣二百零三百蚊,就可以玩齊感受到咁多野真係物超所值呀!!! 仲有親切既駱駝主人呢~ 突尼西亞既其他地方及馬耳他

P.S. 所剩下十多日既行程就稍後再寫… 先寫剛去完既馬來西亞沙巴洲之旅先~