續Day 4 長途巴士站(突尼西亞突尼斯)

(續Day 4) 2008-10-6 

行程 :突尼斯 à Douz

的士車程約15min($6 dinner),到長途巴士站再用$27 dinner,買左1100開往Duuz既車票價,只有1100同2100兩班every day

(1 dinner=0.6 euro) 一d都唔平呀!!!

剛天光

售票處

巴士站內有好多書檔

由於依家先至朝早7點幾,大把時間又無所事事,咪學吓D當地人係巴士站附近既小食店,叫左件叫”加so”既cake同當地既咖啡; “加so”底同面都有類似既曲奇皮,中間夾住D類似奶油既物體,好鬼溜! 而果柸咖啡望落去就好似好細柸,一淡就飲晒咁... 但就鬼死咁濃,落半匙糖就苦，落夠一粒糖又太甜... 都唔明D當地人個個都落起碼三粒架！！！

(打blog時正做緊陳豪套品味咖啡,叫佢黎品嚐吓啦~)

於是入內堂慢慢食,但就有幾十隻蒼蠅相伴... 無錯! 係幾十隻呀!!! 呢度同埃及一樣都係咁多蒼蠅!咦!!! 呢門其實都係一門生意黎WOO!!! 可以賣D電蒼蠅既機比佢地賺大錢! 係埃及做生意既”醬爆”有得唸吓WOO!!!

由於D蒼蠅太煩擾啦! 快速食完件CAKE,就學D當地人咁企係大廳度飲咖啡~ 而D咖啡又真係太濃啦… 所以maymay兩口就算啦! 至在體驗啫~~~

@0820

依家先8點幾,幾時先等到11點呀! 於是就係巴士站外既石櫈上一課英文課啦~ 挪住部同事借返黎既pocket pc phone, 既字典功能,查係機場挪既旅遊指南裡既生字; 主要查關於撒哈拉沙漠,Douz及Tozeur兩個城鎮幾頁紙既生字。但都查左過百個生字呀!!! 無辦法啦我英文差嘛… 如果無左同事借既呢部電話,真係唔知點算LU…

我就係係呢張石櫈度上英文班勒～

原來一查字典就查左兩粒鐘,十點幾啦~ 又有D肚餓tim!!! 於是用 $1.2 dinner買左條包食,但D”涵”就辣到飛起! 即刻隊晒支類似雪碧既物體”Bogo”, 辣到出晒汗呀!!!

@1020

製作中既麵包～

有埃及時最愛既燒雞呀！！！

終於等到11點上車啦!!! 坐後面個全身白袍白帽既利比亞人好nice,比左幾粒欖核比我食,後來先知原來係棕櫚樹D核黎架~ 佢話佢地會坐車去利比亞…

利比亞!!! 咁我問清楚先... 於是經我向司機再三確認我無上錯車才安心!

開車後瞓左一陣,發現部電話竟然失去聯絡… 行左唔知幾多個鐘頭,終於係一個中途站食晏,食左牒羊腿意粉,加支汽水 $6 dinner(約HKD $40)一D都唔平架!

中途站食午飯，羊腿意粉