再續Day 4 超長途巴士(突尼西亞Douz)

再續Day 4 2008-10-6

住宿 :Hotel $10 dinner = $ 6 euro

行程 :突尼斯(長途巴士) --> Douz

食完野繼續搭車,D人執晒位,坐後面兩個當地人譯音”Noble”同”Machine”好好人,又同我傾計又向我介紹,但緊係雞同鴨講啦!

其中noble就識我聽唔明既英文,佢地真係好nice,仲要同我交換地址tim!!!

跟住坐前面兩個女仔又一齊傾,個個係咁問我野~

沿途景色

 

中途維修...行到連皮帶都爛埋

由於我部電話失去聯絡,緊係順便問Noble借電話試吓啦!!! 將我張sim咭插入佢部機度,竟然用到漫遊無問題woo! 即係sim咭無問題啦! 唔通係我部電話有問題? 點知借Noble張sim咭插入我部電話度又用到Woo!!! 吓!!! 咁奇怪!!! 即係機同咭都無問題啦!!! 但將張sim咭插返入我部電話度就始終”無網絡”...奇怪奇怪!!!

見住同佢地咁好傾,咪唸住同佢地合照law! 輪到同前面兩個女仔影時,無包頭既女仔點頭示可,但見有包頭既女仔就有D猶疑… 咁就算law~

Noble同我講,穆斯林既女仔只可以同老公合照咋!!!

後來D乘客落車落得7788時,其中包頭個女仔走過黎我隔離坐,仲攞埋我電話號碼tim! 我唸攞我電話又有咩用呢? 我又唔識講阿拉伯文... 跟住佢又比左疊佢家姐結婚時既相比我睇,仲話當阿拉伯女仔結左婚,雙手就紋滿圖案啦~ 最後仲比佢個friend,用部手電GD88影左張合照tim!!! 包頭個女仔仲講笑指住我咁話”future husband”

哈哈~

落車前個女仔比左本輕便可蘭經我,話for lucky喎! 真係多謝晒~

Douz係尾站,終於係2130到啦!!! 坐左十個幾鐘頭巴士,由朝坐到晚。 一落車就有個男人黎兜我住宿,身心疲累既我緊係唔使唸啦!

原來間酒店就係巴士總站隔離,一晚 $10 dinner即6蚊euro,抵啦~

個老細仲介紹我參加佢地個沙漠tour,但一日就要 $60 dinner... 所以無參加。

因為之前做資料搜集,兩日一夜全包都只係 $ 45 dinner咋!

我既房間 ,雖然簡陋 ,但充滿阿拉伯風情    

係酒店內結識左個加拿大警察,都係一個人黎旅行,全身仲穿上阿拉伯服飾仲包埋個頭TIM! 原來佢聽朝就係JOIN左酒店既tour出沙漠,佢仲送左個警察臂章同扣章比我tim~

跟住同埋兩個既黑人女職員係電視房一齊吹水,兩個女職員都係十幾二十歲年紀,唔係阿拉伯樣子,而係非洲黑人,全部都好nice~

當果兩個女仔知道我來自香港後,立即出示手機既香港藝人,佢地話好鍾意睇佢既戲WOO! 吓... 但戲名我就聽唔明! 一睇之下我都有D驚訝! 原來係”大S”喎!!! 我諗我估多十次都估唔到呀! 我諗佢講既應該係流星花園呱~

大家交換左e-mail又合照,,知我仲未食飯,仲比左佢地之前食剩既晚飯,係雪櫃攞出黎比我食tim~ 佢地咁有誠意,雖然唔係好衛生,但都無所謂啦~

最後係電視房吹水吹到12點幾,忍唔住眼瞓要瞓覺LU~ 

路線圖