Day 1 前的一天...工作天

終於寫遊記啦~  Day 1 前的一天

終於寫遊記啦~  Day 1 前的一天

這天選擇返工係因為返早,放1615; 對於0035先boarding實在有太足夠既時間啦!!! 所以唔想浪費呢日假期!

今早返工一袋二袋行李,差點遲到! 放工也徬徨,因為問阿牛借返黎既pocket pc phone查唔到字典呀!!! 由於一個會考英文攞”U”既人黎講,查字典係好重要的!!!

回來了

回來了,早幾日前已回來了! 發覺原來除左旅行前唔上心外,連回來後亦一樣!

行李   從未執拾過

手信   從未打開過

照片   從未回味過

更遑論寫blog了...





今次既旅程竟然想快D完結,係我咁多次既旅行從未試過的!可能係去既時間唔啱… 未能享受到一個人流浪既心情! 呢個既旅程係應該年半前,又或者係幾個月後去應該會更佳, 但…當中仍有好多回味既地方…





一次既旅程,兩種既體驗,走遍兩個國家
兩種截然不同的地域
兩種截然不同的語言
兩種截然不同的宗教
兩種截然不同的民族
兩種截然不同的文化
兩種截然不同的飲食

 
所以…當然有兩種截然不同的體會~ 就係馬耳他&突尼西亞!

旅行準備 -- 最後召集

唔知點解,今次既旅程硬係唔上心! 最早準備既係一本全新既特區護照(我成日以為08年10月到期 ,去到入境處個職員講話我本護照09年10月先到期woo...) 正傻仔!



換歐羅

明明早幾個星期,換HKD只係$10.8,直頭係呢兩年既新低呀!!! 當時仲要係銀行都唔換... 直到出發前早兩日先急急腳去換...匯率係$11.2蝕晒!!!

寫blog呢一刻 ,原來又趺返落$10.8...唉...



資料搜集

幾乎零!  只係靠我早前做開既兩份剪報,介紹西西里同馬耳他,但從無仔細睇過!!! 又係出發早兩日先"係咁二"係網上search,print出黎仲未睇... 一切留待上機先睇...



借來的物品

阿妹既相機G7,阿牛既Diamond電話(因為有得查字典) 同事既i pod ,肥鬼既腳架... 乜都問人借! 哈哈~



今次既準備比先前既旅行一切都還少! 真唔知有乜野奇遇發生! 反正是隨意之旅 ,唔唸咁多 ! 出走吧!!!

旅行準備 -- 精挑細選MP3

講到旅行準備,不嬲我都無planning! 但當地有咩野特別既旅遊景點,點都要知既... 如果唔係,好似黎到香港,無睇到全世界最靚既夜景,咪係一種遺憾...


但...距離出發仲有十日八日咋!!! 我仍然係一D資料都未搵!只係買左介紹西西里既U magazine,不過都未睇...
既然仲未有準備,就先挑選MP3先~ 我覺得MP3對一個人的旅途上好緊要架~



我D friend成日話我平時聽D歌比較舊,又大部份都係國語歌... 哈哈~ 有個friend係樂壇尖端,只聽新既廣東歌! 我只聽好聽既歌,不份新舊,國語廣東,但本人覺得國語歌往往較廣東歌噤聽~ 今次揀既歌,大部份都係國語歌同舊歌~


次次獨自遠行前,總會揀一堆平時比較少聽,同好舊既MP3
呢D大多係陪伴我成長既歌曲,有D仲特別有意義,並夾雜D好聽既新歌,呢堆歌曲,首首都好好聽,唔需要按下一首架~



今次有D特別加插歌,係一D早前返做舊劇集既歌,以前做又唔係點睇,反而返做又覺得幾好睇,大熱係張智霖呀!!!



西關大少 -- 相愛無夢

初哥哥 -- 祝君好

衝上雲霄 -- 歲月如歌

銀仔的心情搬家

銀仔的心情已被帶到另一個鮮為人知既世界裡

從此... 這裡只有銀仔的遊歷 ,沒有銀仔的心情 !

今次行程都未出發 ,又已買定下次既機票lu~

哎呀呀!!!

成日嗌窮既我 ,竟然今次既旅行都未出發

係早幾日又已book定下次既機票lu!!!

出發日期係下年既4月尾…

馬來西亞既…沙巴!

 

 

事原係早前收到個朋友e mail

話air asia呢間廉價航空有免費機票送

於是緊係即刻上網看個究竟啦!!!

來回馬來西亞機票只係HKD $700倒咋!!!

呢700蚊係機場稅 ,

燃油附加費同行政費等雜費黎架!

 

 

不過係book機票時有少少阻滯…

book機票時要入passport冧把呀!

因為我本passport要續期

新既passport要9月1日先攞得

但係送機票優惠去到8月31日咋!

於是即刻打比入境處睇吓可唔可以比住個冧把我先

就係咁 ,雖然遲左一日 ,但總算book到~

 

 

今次因為係短線 ,而且又有著數

所以搵到個friend陪我去

唔使一條友lu~

===================================

 

 

同埋我早幾日 ,終於戰戰兢兢咁

講左比阿媽聽我既地中海之旅lu!!!

佢無鬧我呀!

可能因為我呃佢話

有平機票又有朋友既地方住瓜…

不過原來撞正阿嫲生日tim…

又要同爸媽夾埋一齊講大話…

阿嫲已經90幾歲生日lu…

都唔知仲可陪多佢幾多個生日…

唯有中秋做節比多D錢佢飲茶

同埋返黎再多D多D搵佢啦~

歌都有得唱啦

有些心意 ,不必等那個日子嘛~

 

 

我呢個不孝子

上次去東歐就揀正阿媽中秋生日

今次又撞正阿嫲…

回憶回憶再回憶...完

回憶回憶再回憶...完



係我既旅遊歷程裡面,用左咁浪漫,醉人既希臘之旅來結束我結伴同遊既階段; 接著就開始進入一人同遊,去左後來既埃及,東歐南歐等地! 亦都令我領悟左一個人旅行既樂趣!



台灣都係我一個人後才去架! 當時去埋阿里山 ,台中等地~