回憶之旅 -- 馬爾代夫

回憶之旅 -- 馬爾代夫



係2002年既10月,終於去到我好想去既地方之一,馬爾代夫!

起得早前滿以為去得成,點知成唔到團既情況下去左澳洲...真係幾經波折呀~

回憶之旅 -- 日本

日本 -- 2002年復活節

我第一次係旅遊旺季去旅行就係日本啦!

係2002件既復活節,報左個東京團,咁啱撞正有櫻花睇; 我記得係淺草雷門同平和公園有最多櫻花睇啦~ 而係係雷門商店街內,兩旁既櫻花樹,令到漫天都是櫻花花瓣落下,極之浪漫!

平和公園既櫻花美景 ,可惜淺草商店街就無影低風景照

旅行手信博物館

旅行手信博物館

 

全間屋既傢私

我最喜歡既係係歐化買既飾櫃

我鐘意佢有博物館既感覺

我從未展出過既展品終於從見天日啦!!!

係我一D旅行買返黎既手信

(見到咁少手信請勿見笑)

我自從去希臘後 ,

都習慣去親旅行都買d 特色既手信比自己

但之前係舊居無地方擺 ,

所以一直入左係個膠袋放埋一邊...

 

就係呢個飾櫃啦

 

 

最頂層係希臘展區 ,個無頭石膏像我查書

都唔知佢係咩野神

當時只係覺得佢好有藝術氣息所以買左佢

後面果D係派剩既手信橄欖肥皂

 

 

 

第二層就係我之前去完東南歐旅行既手信

 

係斯洛文尼亞買既鐘乳石風鈴

 

威尼斯買既貢多拉

 

係克羅地亞同波斯尼亞買唔到咩既特別手信 ,

所以就買左代表古城Dubrovnik既紅頂小屋 ,同薩拉熱窩既風景擺設

 

 

第三層係馬爾代夫同埃及

 

當年去馬爾代夫時仲未有買手信比自己既習慣 ,呢d係派剩比人既手信 ,哈哈~

 

呢樽沙係去埃及時係Dahab度買架~ 好平只係$15 港紙咋!!! 

我係報紙睇到係杜拜賣成百幾二百蚊呀!!! 

後面既係一 set 三個既金字塔 ,送左兩個比人 ,留低最大既比自己!

 

 

最底層係擺左其他既旅行手信 ,用完既旅行簡介 ,仲有一樽係我係每一度地方用剩既錢... 張$50 Euro升左值呀!!!

 

新居入伙

新居

 

我既新居終於趕得徹係聖誕入伙lu~

大部份家具都係我精心挑選架!

好多野都係唔同既公司買

就算係燈飾都係兩間唔同既舖頭買

所以比阿媽鬧點解唔係一間舖度買...

哈哈~ 因為成日煩到阿媽幫我等收貨嘛!

 

最鍾意係左手面既玻璃飾櫃 ,好有博物館feel !!! 放左我從未展出既旅行展品~

 

我鍾意仿古家具 ,不過只係係"宜家"先有得賣!!!

 

就算燈飾都分開唔同舖頭買架~

 

以前做裝修既老豆同我間屋度身設計既櫃緊係要提啦~

令到摭左個廁所門口 ,同令到間屋更見使!!!

 

==========================

起初唸住間房整到藍與白 ,好有希臘feel

但係油左牆身藍色後 ,

係家私舖睇既白色傢私全部都設計到好女仔...

所以就放棄lu...

應該牆身油白色會好D...

 

我亦都好鍾意老豆整既百葉窗 ,係我間房既藍色牆身簡直絕配呀!!!

 

我好鍾意復古既家具 ,所以間睡房用上油燈外型既燈飾~

 

我間房既景色 ,如果呢個係愛琴海有多好呢...

 

===========================

我心目中一直都想廳既傢具全都係木

仲要係好天然果d呢~

比我搵晒香港九龍新界 ,

原來淨係得海怡半島先有得賣咋!!!

最終只係買左個雜物櫃 ,因為呢d家具都幾貴...

 

就係呢個櫃啦!!!

==========================

 

最多謝係埃及既"阿爆"

佢返黎陪老婆同個女過聖誕

知我新居入伙 ,係埃及買左兩份珍貴禮物比我

就係有紙沙草畫既2008年月曆

同埋一幅成三尺長既紙沙草畫~

我真係勁鍾意呀!!!

"阿爆"唔係係街邊買既次貨假野 ,

而係真正人手做既紙沙草畫

仲標名"Hand Made"

"阿爆" 仲示範大力用手捏埋一舊 ,

都毫無變形破碎tim!!!

因為書講 :[真正優質既紙沙草畫

捲壓後係唔會破碎變形的!

街邊買既混雜左其他植物既纖維 ,

一經壓碎就破裂圖案係機器大量複製]

 

不過就算知道係咁 ,我都唔會好似"阿爆"咁捏佢...

"阿爆"死都唔肯講買左幾多錢

最後好似講笑咁話$ 500 埃磅(HKD $800)

我唸起碼過千以上 ,

因為書講優質既要數百美金一幅呀!!!

而且咁大幅tim...

不過暫時未得閒挪去配相架表起佢...

總之我勁鍾意呢份禮物 ,多謝你"醬爆"

 

 

名貴既紙沙草畫

 

 

 

集體回憶

集體回憶

 

尋日有個係外國返黎既小學同學 ,

相約左大約7 ,8個小學同學出黎見面

屈指一算原來我地已經離開左小學14年lu...

差不多全部人我都係畢業後沒見過面

只係有一個同學好間唔中咁一年見一次...

 

我地相約左係一間酒樓飲茶

個個都有好大轉變 ,當然係講個樣啦!!!

由其是女仔,真係女大18變...

唔係 ! 係28變之真!!!

佢地仲有一兩年都28 lu...

哈哈~ 不過我地男仔個樣佢地就話一D都無變woo!

我地全程就不停攞張畢業相出黎認人

個個都講吓自己呢十幾年既野

佢地有D結左婚,有D仲有埋BB tim...

唉... 相比係我...

最後好似有講不完既說話咁 ,

係酒樓一飲就飲左幾粒鐘!

 

之後我地仲一齊返母校

同附近以前小時侯成日玩既地方集體回憶tim...

回來學校同附近都變左幾多!

其實母校同我阿媽屋企只係一條馬路之隔

我日日返屋企食飯都係留意到tim!

我地仲唸返以前小孩既唸法 ,

例如 ,呢個操場原來係咁細woo!

我地以覺得呢度好大 ,跑到好辛苦

原來呢度係咁 ,原來呢度又只不過係咁等等...

都真係幾得意~

 

 

 

回憶之旅 -- 澳洲(下)

澳洲 2001年9月

係澳洲,週街都見到有賭場,又係一大班團友碰吓運氣既時候喇!

我隔離果個就一蚊一蚊咁玩老虎機,都唔知點玩,當佢玩到7,8蚊,唸住叫佢走之際...

回憶之旅 -- 澳洲(上)

澳洲 2001

係2001年既9月,係一個無意中既情況下認識左澳洲。 咦!!! 寫返回憶之旅先發現,原來我既第三次旅行已經衝出亞洲啦~ 真係開心~