地球的另一個加(家)田園生活篇－忙於春夏之間

地球的另一個加(家) 田園生活篇－忙於春夏之間

冬去春來，再到初夏，每個週末都非常忙碌，而且剛剛還去完一個大旅行。

今年想做好一些園藝，心目中有好多個項目，不過自己始終唔係專業，做起來真係心有餘而力不足。最後來還是請人去重新整理一些園景、花圃，是同事的女朋友，收$20幾蚊個鐘，算收平了。基本上一日都整晒，專業就是不同，三兩下手腳就整好。其實之前我自己都有落手落腳做過，起初在前園種了一棵矮聖誕樹，等到聖誕時長高可以佈置一番。 

此外也重新整理信箱，一堆野草藤蔓早已失控，請對面鄰居用剷泥車砍掉重練。可惜翻過泥土後發現這些藤蔓就算根部只剩下碎片，也會從新發芽。即是可能由十棵八棵，現在可能擴散開去！真的是一變四，四變十二…… 這時除了呢首歌詞，也想起龍珠裡的斯路，只要一點細胞也能再生，真是好恐怖。上手業主為求整靚間屋出售，求其搵園藝公司種埋這些入侵性植物，真係多得佢唔少。 從AI搵到一些方法，其中看來最有用就係用窒息法，是用黑色農業用的厚膠布令到佢哋窒息而死。之前佈了防草布對這些藤蔓是完全無作用(因為防草布都會疏風疏水係唔透光)，反而溫室效應令其更茁莊成長。

幾年無理佢失控⋯⋯🤣

防草佈無效

斷開嘅根可以重新⋯⋯

重鋪黑色厚膠

還有正常的農務，初春時的修剪

酸櫻桃開花，好香好靚

桃樹要人手疏理果實，即每個位置只結一個果最理想

除了園藝，物業範圍很多地方也有不少構思及小型維修，例如裝修車房、完成雞棚外場等等。好在工作時認識一位Handyman，得閒就來我家開工。為人非常老實，收取$35個鐘，料錢另計。從園藝到家居維修的Handyman都是這樣計法，都幾均真喎！我覺得佢仲蝕比我添，因為佢去買料都無計開工時數，車出車入的油錢，又或者佢幫我開墾田園在家帶埋重型翻土機都無額外收費。

裝上木板靚仔晒

最後都係請人翻土

買咗第一年無用過，今年出勤率好高！

家禽不經不覺損失了數隻，由第一隻雞的時候確實很傷心(其實而家都係)，畢竟由嬰兒期開始養大。其後認同一名養雞的Youtuber稱家禽其實很脆弱，要習慣失去。除了有飛禽猛獸，例如鷹、狐狸、郊狼，還會有機會有意外，此外疾病也是很多致命的原因。 

就像這次旅程來到最後一日，突然收到港女的通知鷹嘴雞思疑卡蛋，很少走動。我們的養雞朋友也即刻趕來幫忙開暖水加鹽浸浴令她順產，可惜連續一日後情況惡化，經熟人介紹後，找到可能係本省唯一會診治家禽的獸醫。為何會咁講，因為朋友的經歷是連醫生都見唔到就俾人趕走。

BB時好似隻鷹咁

她隻雞卡蛋，帶到獸醫診所，職員稱卡蛋不用睇獸醫，亦不作安排，於是眼白白睇住隻雞慢慢死去。看過一些資料，當地獸醫會分開寵物類如貓狗，如不是這種類就算你當雞鴨係寵物都好，他們都唔會醫的。

這位醫生已七十多歲，每日走訪不同農場，亦是這裡唯一會替家禽診症的獸醫，真係衰啲講句希望佢長命百歲。經他確認鷹嘴雞患上馬克立氏病（Marek’s Disease)，是雞隻一種很常見的病毒，疫苗只能防止病發，病發就無得救，安樂死…… 最後選擇了帶回家中安葬。

後來再網上搜尋，發現這位年老家禽獸醫，竟然是大西洋四省，係四個省唯一一位會替家禽診症的獸醫！咁都得？獨事生意都無人做？真係祈求上天賜多一名獸醫來這片土地拯救蒼生……

最忙碌階段暫告一段落，但願時間能夠安排得好，可以享受每個週末。(其實咁忙往往都係因自己時間控制得唔好😅)

上：蛋多到食唔晒要周圍派
下：雞蛋與鴨蛋

珍珠雞蛋

畸形蛋，有兩個蛋黃

小林子就最黐人，因為知道有野食😆

買了個水兜擺設「橡皮鴨」好鍾意，而家前園好似多了個真鴨擺設一樣！（因為呢度興用假鵝個擺設）

橡皮同何B仔同框

後園野草高過人，剷條小徑漫步

不少朋友問正門露台圍欄上這間木屋仔做乜，今年終於有新鄰居入伙啦～

兩星期前剛完成的旅行，取道法國前往高加索地區的格魯吉亞，期間還特意到利物浦參加勝利巡遊。

在法國數天，幾乎全花在香檳產區，自從在傳統釀製的汽泡酒酒莊工作後，對這類酒愈來愈有興趣，想趁機深度了解一下。

這旅程之初是沒計劃前往利物浦，不過既然人在歐洲，一切也變得容易，因為機票平到可以諗都唔諗就取消了。放棄前往亞美尼亞， 就是為了親眼見證這場勝利巡遊。可是，人群正歡天喜地離開現場，充滿喜悅氣氛，親眼目睹恐怖意外…但願所有傷者、在場新相識的朋友都平安無事

至於格魯吉亞，人間天堂一樣，有機會再在遊記紀錄。不知何時才出到這遊記🤣