Day 2 恐懼(莫三比克Nampula)

(Day 2) 2015-9-12

住宿：Ruby Backpacker 

行程：約翰內斯堡(南非) —> Nampula(莫三比克)

12小時後，到達南非約翰內斯堡，打開機門即時感受到南半球嘅涼快。南非時間慢香港六小時，到埗時正值清晨時份。過了保安檢查及passport control ，原來轉機都有得蓋印架，賺左~

這機場禁區裡面紀念品店很大，好多非洲特色紀念品賣，也不太貴，看來回程時要大破慳囊了。

回程時送給自己的新居禮物~

也有戶外用品

南非鑽石店舖當然少不了，世界最大鑽石，當然是複製品啦~

內地嘅錢，當然全世界都想分一杯羹啦~

由於太多時間，看看餐廳價錢合理，起初都唔捨得食，諗諗吓係香港都要食架。以前窮遊唔捨得食係因為香港同其他國家物價差得太遠，現在係香港貴過全世界，只要合理價錢一定食。我唔會學網上或報章所講嘅”過份窮遊"，外遊時靠摷垃圾桶、食人地食剩嘅食物，但回到自己國家時就回復大洗嘅習慣。所以我依家外遊都唔會點瘦了，以前去親都梗瘦十磅八磅架!

於是係餐廳揀個景觀開揚嘅靚位，點左個big breakfast $69-R, ＋ filter coffee$15-R(共$49-HKD)。

問職員才知道，機場有free wifi，要先用E貓登記，就有30min。由於好多地方都都防範你會用上不同Email，即等於無限上網。所以佢會認住你ip，即要用不同嘅機才可用完再用嘅free wifi。於是我用完電話用ipad，用不同email就可以有一小時free wifi用啦，呵呵~

去到登機口嘅大堂，搭電梯時見正面一幅牆有一個大地球廣告，旁邊企了一隻大長頸鹿，好有非洲感覺呀~ 登機前行去第二個閘口用ipad，以免被同機嘅人target左，都係小心d好。防盜腰包也用上，費事去到莫桑比克才攪來攪去。

SA8230 於1110起飛，這班機應該係南非航空旗下附屬公司叫Airlink，是小型飛機， 全機只有17人。這兩程機都是白人多過黑人，呢度係非洲喎，為何呢？這短程機都竟然有飛機餐，真係估唔到，飲了從未飲過嘅玉泉Dry Lemon，ok喎！唔知香港有無得賣呢？（港女按：其後嘅行程都有飲dry lemon，返到香港超市只找到味道似湯力水的Bitter Lemon，細細罐就賣差不多9蚊。）

係航班上睇LP關於Nampula描述，並plan好咗搵到住宿後的行程。

近來每個旅程梗有一樣最愛飲品

雪花

維多利亞瀑布將會去喎!

兩個多小時機程於1330到達Nampula機場，過關時警察話我無一張莫桑比克領事館嘅紙，向我索取$100美元，當然企硬唔比啦，最後佢都好無奈咁蓋印放行。我諗我有莫桑比克簽證都咁留難我，餘下行程用特區或BNO，就算不用簽證，在各個國家過境時一定有排煩！

降落Nampula前用部長炮zoom埋去，質素唔錯喎! 高空所見，Namupla有好多光禿禿嘅岩山，好得意~

機場極度簡陋，找換店也找不到，先講好價$300-MZM坐的士去book好嘅住宿吧！沿途所見，簡直是視覺嘅衝擊呀！以往只能於紀錄片所睇非洲嘅民生百態，呈現於眼前。

機場大堂

的士內倒後鏡掛有莫桑比克國旗

係車內可以放膽影

到達hostel，hostel及的士司機都只收當地錢。司機就話$6-USD只等於$150-MZM，我都睇過匯率無理由咁少，又想呃我... 但司機好好人咁車我去銀行，可惜全部關門，只能於ATM提款，就用Citi試吓睇吓係咪免手續費先！（後記：回港後檢視戶口，確認海外提款無收手續費，唔錯唔錯。）

Ruby backpacker係LP極度推介，果然唔錯噃～ 有獨立房，床位及露營三個選擇，我一支公當然選擇了Dom啦，每晚$750-MZM($110-HKD)，但Wifi只能於1800至0600提供有限度服務。

下：共用廚房

住宿管家

Ruby Backpacker位於宣明會旁，諗住影相又比保安屈錢，當然無理佢走人返回住宿。

逃回Ruby Backpacker覺得有少少氣餒，回想由到埗到依家，最恐懼嘅係由落機開始到依家，不論機場及街道上連一個遊客都見唔到。黃種人無，白人也完全見唔到，行出街好異相，感覺D當地黑人成日望住你一樣，好不安，有點像放了一隻小白羊入動物園嘅老虎竇咁呀⋯ 加上入境職員想屈錢、係街上連影張相都唔得，真係旅途上前所未有嘅挫敗感⋯ 要深呼吸冷靜一下，思考一下未來動向。