新的開始, 重新出發

對上一次既長線旅行足足超過一年Lu...這一年,變化也太大了! 工作環境變了,工作環境變得一片死氣沉沉,做得耐真係人都癲呀！真的要離開唞唞氣•••

身邊既人都不同了•••雖然以往唔開心多個開心,不過現在都成為回憶•••交替期被誤解,再也不想解釋,由它靜靜的過去吧•••不過喜見她重拾返自己旅行既style,唔使再就得咁辛苦•••
係呢幾年裡,成日想係旅行當中尋找返昔日既我,想回到流浪時呀! 我一早就想尋找返我既旅行style喇！

===============================點解揀波羅的海？迷因為機票平囉！起初同兩個小學雞（小學同學）諗住搵個地方去吓,大家決定去北京,當我上網check 機票時,來回連稅要成二千頭港紙呀！係深圳飛亦無so...都幾貴!
於是手多多週圍check,竟然發現HK來回莫斯科,連稅只係三千多！比去北京只係貴一千蚊咋！唔使諗緊係去遠啦~其中一個未去過長線既同學,聽到都十分雀躍,以咁平既價錢可以踏足歐洲喎！計劃起碼兩星期~ 不過公司只可以放佢一個星期既假,而佢唔想一個人去或返,話驚悶喎•••我當然唔理其他人啦！係唔係我都決定會去既！
最平經北京要$3400;俄航直航快4個小時,就要$4100! 我又唔趕時間當然揀平架啦！於是我再加多兩舊水,共$3600就可從聖彼得堡回程,不走回頭路~
於是決定先去波羅的海三小國,後去俄國！不過買晒機票先知,出發前幾日正直俄國總統大選！！！希望唔好笠笠亂啦~
出左條大飛後,有人決定中途會合我玩俄國! 呢個從此就係新同伴喇! 於是唯有行程上遷就•••
我諗我以後,就算有人陪都好,整個旅程中,都會抽一部份作我既私人行程,唔想再鬧不快,我要有返我個性既旅程呀！


波羅的海一帶剛剛寒流過去,由零下廿幾三十度,上返依家至零下幾度,都仍好凍呀!!!

=========================
照舊出發前返屋企食飯,今次多左個一歲大既姪女呀！當我離開屋企時佢喊得幾慘呀•••好似唔捨得我咁,去到(車立)口都仍聽到佢喊,真係心都酸埋•••