Day 20 順利過境 Yeah~ (阿根廷La Quinca)

2011-02-25 (Day 20)住宿 ：唔記得名既Hostel ($ 50-HKD)行程 :Humahuaca（阿根廷）--＞La Quiaca--> Villazon(玻利維亞） --＞ Tupiza

高度：海拔 2929M

今日要係阿根廷北部入境玻利維亞! 揀呢條路線，就係因為少香港人係呢個關口入境，亦都搵唔到有留難香港人既個案•••
闖關成唔成功呢？去唔去到天空之鏡呢？好緊張呀！



落雨落足一整夜，瞓醒後成條街濕晒，出發前去買D乾糧上路先~ 一路搵麵包舖，就一路有隻跟尾狗，途經有肉食都唔去爭食，直至去到巴士總站，可能去到其他狗既地盤，先比其他狗趕走咋！係咁跟住晒, 唔通想我養佢？



Humahuaca呢度係中途站，坐1010開既巴士，兩個零小時就到達邊境小鎮La Quiaca


開始見到駝羊啦~

去邊境既巴士票

到總站，我當時坐係上層既車頭，所以未落車已被一班大約6人既內地同胞Target左，一落車就有其中一個人問我地識唔識講華語，問呢度係邊度喎！
佢地竟然連身處阿根廷都唔知呀！話諗住去首都喎! 不過連叫咩地方名都唔識... 我問佢地點解會係呢度，竟然答唔知點解! 來阿根廷做乜又話唔知喎！！！
最涉及到我既係，竟然話頭先過關被拒喎！話比佢聽先知果面係玻利維亞咋！
大老呀•••我地一陣就要闖關，而玻利維亞出名就係留難唔比中國人入境
真係比佢累死••• 希望一陣關員唔好似為我地係一伙啦...


唉•••真係要寫個服字比D某部份內地同胞呀！ 唔識講都唔緊要，你要進入人地國家係迷應該準備好先，連去邊度，點樣黎到呢度，連咩目的都唔知!
（佢地既目的唔講，一定係唔見得光啦！）

唔怪得中國號稱強大，不過國民就連第三世界既國家都不如，大陸護照隨左去邊都要簽證之餘，過關時仲要比人諸多留難••• 都係多得好多上述咁既同胞! 唔怪得揸中國護照(包括特區護照）都比人留難啦！

呢件事又令我諗起幾年前入境馬耳他時既不快經歷! 當時因為教兩個唔識填入境咭，又唔識講英文既內地人過關，攪到我本特區護照比關員驗屍咁驗，盤問左十幾廿分鐘，仲話好多中國人偷盜入境••• 唉•••希望一陣可順利入境啦•••

離開巴士站後，只要跟住背包客就可到達邊境啦！邊境好多當地人出入，好似無掩雞籠咁穿梭邊境，不過佢地都係當地人•••見有人係路旁排緊隊，包括有背包客，當然排埋一份啦~

排頭位既十幾個貌似當地人，離境手續都辦左超過一個鐘，等左好耐好耐•••感覺有點唔老利呀•••


果十幾個人過左關後，辦手續就比教順暢，最後係一個窗口仔就好快辦好離境手續⋯


過左橋就係玻利維亞國境啦~

到玻利維亞呢邊啦！緊張緊張! 辦入境既地方係一間好細既屋仔，只有兩個窗口，排隊時拎住本貌似英國護照既BNO，個心卜卜跳⋯ 而且默念住老作既英國地址，因為怕比佢為難，攞個地址黎大返佢！


輪到我們啦！正當我扮淡定時，個關員收左張入境咭後就係BNO上蓋印啦！
Yeah!!! 入境後，即時開一枝一早買定既氣水來慶祝先~



下一篇開始
記載在玻利維亞, 秘魯, 智利復活節島篇