Day 10 愛上喪架檻(突尼西亞突尼斯)

(Day 10) 2008-10-12

住宿 :機場

行程 :Tunnis à KhelidiaàTunnisà馬耳他

今日係最後一日係突尼西亞,諗住去埋之前有人介紹過既Khelidia; 因為我早前去到Zaghouan,比當地既自然風景吸引,不過可惜係無住宿… 當時臨走前問d司機,有咩地方好似Zaghouan咁小既城鎮… 佢就介紹左我Khelidia勒! 

經過尋日答錯車去唔到，今次再去! 轉左兩程大巴，終於去到啦~ 不過Khelidia真係細得可憐! 一頭一尾三分鐘就行晒，毫無特別… 唉…算啦… 早D返回突尼斯行吓街吧…

星期日既突尼斯市集比較冷清

我係突尼西亞完全未買過手信，係突尼西亞既最後一餐要食豪D，因為之前成日都想食羊,但又成日都唔成功…

去返之前教識我講羊既阿拉伯文”喪架檻”果間”Up dup”食市食燒羊~

行完街後路經佢間舖，叫佢等埋我沖完涼黎食完先關舖呀! 沖完涼拎晒行李離開酒店，由於已經6點幾，間舖差唔多收舖，剩低D羊又係水尾…

個老細遠距離見到我已經同我揮手同燒定D羊啦~ 佢問我係咪夾麵包? 我就話就咁食同加D意粉~

D羊真係超好食!!! 但係就唔夠喉… 於是叫佢燒埋剩低果D羊，順便睇吓佢點燒! 原來佢只係加D鹽，放上個爐度燒，燒完都只係加D橄欖油咁簡單喎!!!

今次就有羊肋骨同大腿肉~

最後… 全間舖既羊都比我食晒lu~ 老細你可以放心收舖啦~~~

結帳都只係$4 DT咋!!!(即HKD $24)

原來只係計羊既磅數,意粉送既~

100g = $ 1DT

教識我講"喪架檻"既老闆

食飽飽後竟然唔記得買手信比同事，又行去超市執D野食返黎…

由於真係有太多時間啦! 所以唔搭的士去機場，堅持搭巴士GTM no.35

行左好耐先搵到巴士總站架! 不過就係咁，先路過突尼斯既地標 — 鐵塔

係巴士等開車期間，成架單層巴士得三個人，跟住有一家人上黎，個阿姐咁多位都唔坐死都要坐我隔離擺背囊個位! 頂! 最後佢因為上錯車而即刻落車!

No.35巴士 －－＞ 機場 只係$0.7DT

去到機場，去找換店換返用剩既DT為Euro…

早知今朝唔換錢啦! 仲方死唔夠錢買手信咁… 真係好後悔係Douz同Sousses無買呀…

因為諗住最後會返黎突尼斯一次過買埋! 點知突尼斯呢度D手信價錢極貴!

講價後都極不合理… 例如係埃及買到既有圖案既沙樽，同用銀做既阿拉丁神燈，呢度就索價約百幾蚊港幣!!!

沙樽係埃及只係賣二三十HKD

而神燈係杜拜機場都只係賣幾十蚊HKD!!!

所以，係古城區既市集只係買左一樣野…

換錢時,佢要出示recipect，好在我有keep咋~ 我都有準備過關時又要比人左check又chcek，因為我地中國人過關就係成日比人check，所以早D入閘… 

點知過Imm.時超順利，可能我係馬耳他黎呱! 仲問我係咪住係馬耳他tim~ 但點知一攞返本passport，就有個警察係遠處走出黎截住我

[心諗唔知係迷”部”左我好耐!]

叫我比D行李佢睇，都幾無禮貌…

你無禮貌時我都擺款啫! 你鍾意搜迷比你搜law~ 佢問一句我先答一句!

最後問到我既職業時，知我係機場做，跟住態度就360度改變勒! 即時停手唔再搜查，仲同我主動解釋搜我因為係佢既職責黎tim!

於是大家寒暄左幾句就放行!

我決定以後過關時，遇著對我本特區護照驗屍咁驗時都要擺款，費時主動解釋中國護照同特區護照既分別!

跟住過完X光機又搜! 個關員真係兩隻手揑落個褲袋度架!

一陣返到馬耳他又唔知點呢?

突尼斯最後巡禮