Day 13 惡夢開始(哈薩克Beyneu)

(Day 13) 2009-7-4

住宿 :的士上

行程 :Moynaq(烏茲別克) —> Beyne(哈薩克) —> Aktau 

0330 起床，今日要離開烏茲別克

0400 我已經攞齊行理去到巴士站等候，見好好人既老細，半夜三更，超天寒地凍(我諗得十度)，係酒店行出來陪我地等車，其實都無諗過佢會送行架⋯

見佢咁凍咁好人送佢一個暖包~ 巴士到後仲同個司機講埋我地要去Kungard火車站tim~

Moynaq既星空

0440先上黃巴士呀 每人$3000 som

0645終於到Kungard火車站

諗住買飛去哈薩克既沿海城市Atkau(音”押兜”)，但每人就要$ 60000som = HKD $300

我地身上只係得逞$ 40000som 左右，都無諗過會咁貴… 於是就買飛入哈薩克既其中一個邊境城市Beyne(音”便new”)

為求入境先算! 每人$13000 som

唔知點解，Atkau比Beyneu只多一倍路程，但價錢就貴4,5倍咁多呢??

Kungard火車站外

果然近鹹海 ,有魚賣...但唔知點解D魚整成咁呢?

係火車站時撞返上次攞哈薩克VISA時 ,借佢本LP黎勁影既英國女仔!

係火車站時撞返上次攞哈薩克VISA時，借佢本LP黎勁影既英國女仔WOO!

0920 開車

係火車上遇到班好好既烏茲別克人，雖然一樣係雞同鴨講，但其中一個叫”8D肋”既當地人勁醒目，做兩吓body language已經明白啦!!!

佢地請我地食雞蛋，飲奶茶，又幫我地搵人換錢，同趕走D乞錢既傻佬，超熱心~

我見果D傻佬只係口唸幾句經，全卡既人就做”洗面”既動作，表示感謝，就每人比錢果個人，果D傻佬唔知真傻定假傻，但就識搵錢!

友誼既烏茲別克人~

呢個就係"8D勒" ,佢揸住既係烏國特色樂器~

呢D野食係友善既當地人請既~

烏國PASSPORT

呢程車唔知點解勁多野賣，除左水，飲品、Nan、Samsa呢D基本野外，仲有passport、玩具槍、cake、DVD、fish、西瓜、 

背心、衫褲鞋襪、水果、啤牌、煙…etc，一應俱全!

諗到諗唔到既都有得賣呀!

成間流動士多咁，而且D人唔係行一次就算，呢程車十幾個鐘就不停行足十幾個鐘! 總之你諗十幾個鐘有一大班人係你側邊行來行去，有幾X煩!!!

1645 到邊境有警察上車辦出入境手續(好鬼耐)

由入境呢個全球最大內陸國家哈薩克呢一刻，就係惡夢既開始...

係火車上幫D阿姐買既飯~

乾涸既河床... 唔知會唔會同鹹海有關連呢???

絲路特有既雙峰駱駝

哈薩克仲有好多遊牧民族架!

2100終於到Beyne，一落車即刻去買火車票，但見條人龍超長，仲有幾個女人因排長龍問題鬧交TIM!

當地人”8D勒”話係Beyneu再買火車飛比係烏國買平好多，所以好多人會係呢度買飛…

不過Beyne有好多share Taxi

每人 $4000T = HKD $200

“T” 係哈薩克既貨幣，當地人叫”ten ga”

當地人“8D勒”仲好好人幫我地搵埋的士TIM! 佢成日講坐火車好衰，仲極力推介我坐的士TIM!

係火車時，D人知我地經Beyne去Atkau，千叮萬囑叫我地入夜時留係火車站唔好外出，話有好多吸毒人士會老笠架!!!

嘩!!! 講到咁恐怖既…

車程十粒鐘，明天0700到，所以就係火車站隔離間餐廳食，但係餐牌得哈薩克文，又乜都話無，經”8D勒”幫我地點菜，只係食左4隻煎蛋+百事

我地坐既share taxi

Beyneu街景 ,好似真係幾恐怖WOO...