第一次搭飛機 -- 泰國

泰國 1998年

人生第一次搭飛機去旅行就係發生係98年剛考完會考放榜,當時就係由阿爸阿媽請我去泰國旅行,曼谷巴提雅5天團。

(真係好羨慕堂細佬妹,同 d 同事 d 仔女,佢地由讀書開始一年去一兩次旅行,有個同事話佢個仔4 歲已開始帶佢地去旅行啦!!!)

不過當年泰國既記憶已好濛糊,只係記得人妖show,同d海水好混濁既珊瑚島... 不過我記得當時係一個怕醜仔既我,暗戀一個團友呢~

佢係護士,大我一歲,佢聲稱被同事甩底所以一個人,由第三日開始,佢就係旅遊巴同我一齊坐tim,十分投契架~

最後就係啟德機場分開lu... 啟德機場係我最後一次,亦都係我唯一一次係度搭飛機既機場...

不過當時還未長大既我,仍未知到旅行既樂趣。