住 :火車上 sleeping car
返到古納村抖左陣 ,隨即攞返架單車 ,向最後一個景點"哈根蘇神殿"進發
(Temple of Hatshepsut)
點解係幾個神殿之中選擇"哈根蘇神殿" ?
因為從書中睇到神殿既相片十分宏偉 ,所以就想去睇睇law~
沿住馬路踩單車 ,看到一架又一架坐滿遊客既旅遊巴係馬路上來往
不過佢地都係用奇異既目光望我...
但係奇怪既係 ,我只係係一早見過一個外國人同我一樣用踩單車既方式遊覽
據我所知外國人都好鍾意踩單車遊覽woo...點解無呢?
由馬路 short cut 踩入小路 ,總共踩左半小時終於到達哈根蘇神殿lu ~
係門口將架單車鎖係鐵欄 ,然後經過一條擺滿紀念品既大街
係有幾個攡擋見到有中東人包頭D頭巾賣 ,真係好想買呀...
其實黎埃及前都決定黎埃及後買頭巾黎摭太陽架~
不過一直都唔記得買 ,依家都已last 幾日 ,最後都係放棄無買lu...
入到神殿 ,竟然見到之前係曼谷一齊Delay 既一團台灣人woo !
我唸佢地個團都幾犀利 ,玩十幾二十日...
慢慢參觀完"哈根蘇神殿"後 ,就踩單車返碼頭lu ~
Temple of Hatshepsut
=====================================================================
但係係途中 ,竟然比我見到有三個十一二歲既o靚仔 ,一齊騎緊同一隻騾仔woo!!!
唔通騾仔真係咁噤挨!!!
其間當然有買我黎到埃及最鍾意飲既Lipton 檸茶啦~
原來我發覺係呢D咁炎熱既天氣下 ,有一罐咁冰凍既野飲
簡直係天降甘露一樣呀!!!
經過參唔多一小時既路程終於返到碼頭邊既酒店 ,還返架單車
然後再搭船返回東岸 ,已經係下午兩點幾lu~
====================================================================
午餐係麥當勞攪掂 ,然後返酒店沖個涼 ,跟住就做我最鍾意既節目 " 瞓覺 "
一瞓就瞓到五點幾
瞓醒係酒店露台影返張相先~ 好清楚咁望到樂蜀神殿呀 !
接著就係我係南部最後一個行程
參觀就近既 "木乃伊博物館"
入到 "木乃伊博物館" 燈光既效果做到氣氛陰沈
於是就攞本書出黎翻譯返館內牆上既木乃伊製造方法 ,
同對各木乃伊既介紹一個人旅行後 ,就會用呢種方法去旅行
去到任何景點都會攞本旅遊書出黎慢慢睇介紹~
參觀完木乃伊博物館後 ,望吓隻錶先六點幾
仲有兩個幾鐘先夠鐘9點既火車返開羅
於是又去麥當勞食完晚餐後 ,決定去尼羅河畔睇日落消磨埋D 時間
一個將軍既木乃伊
狒狒木乃伊
木乃伊既棺木
======================================================================
去到尼羅河邊 ,攞部電話出黎一邊塞住隻耳聽住MP3
一邊靜靜欣賞尼羅河既日落
唸住靜靜欣賞尼羅河既日落啦 ,點知無耐就有群不促之客黎騷擾我
就係有一班頑童係我前面玩 ,又要我同佢地影相
我好記得當時我係聽緊一首舊歌 "夜遊杜拜" 細味緊當中既歌詞時
而比佢地黎騷擾我...
班頑童攪左我十分八分鐘後終於走左lu...
唔知點解日都落晒 ,磨極都磨唔到9 點鐘
於是早D去火車站既月台等車 ,點知最唔想見到既野就出現係眼前...
一邊聽歌一邊睇日落
攪攪震既頑童
====================================================================
由於我早到左 ,所以見到早半小時 ,我想買而買唔到飛既First Class 火車埋站
見到火車內既人零零落落 ,半架火車都坐唔晒
咁點解最初果個死人售票員,呃我話日日都 full 晒呢? 真係激到我死呀!!!
因為 First Class 既火車都十分舒適寬敞 ,只係收幾廿蚊埃磅 ,
即係幾十蚊港幣咋!!!
但sleeping car 只係多左張床 ,就收我六十幾美金 ,覺得好唔低Law...
正當我十分激氣 ,想搵個人呻吓 ,就向坐我隔離一齊等車既一個埃及人
呻吓買唔到飛而又比我見到車內無咩人搭既事...
點知佢就答左我幾次 " I'm engineer "
問非所答 ,唔通engineer 就好巴閉咩!!!
等左無耐火車終於到lu~
流浪亦到左尾聲 ,明天一早就會返到開羅啦~
幸運既我又係一個人瞓晒一間房~
話咁快就17日啦, 完成埃及之旅, 你下一站會遊覽那一個地方?
回覆刪除一個人聽歌睇日落真係好relex 呀, 呢 d 就係自由行既好處啦, 鍾意想點就點...
回覆刪除THANKS, 我9月11號出發去croatia呀~ 大約玩2個week包埋slovenia, 之後會去意大利, 再跟住到法國之後回港。 火車票大多都訂好, 只欠Ljb 去 venice lee 段, 但日期又未肯定到, 所以唔想訂左先去就時間, 我已經check 過都好多火車去venice, 大約每天都有4-5班, 請問lee 程車多唔多人坐? 洗唔洗買定飛呢? (in hk)
回覆刪除大約有2星期會留在 croatia and slovenia
回覆刪除花生 : 呢個世界真係好多地方都想去 ,尤其歐洲 ,不過近來開始要供樓及裝修等龐大開支... 所以安頓好新居後先搵個平D既地方慶祝吓~ 決定左先話你聽啦~ amkiki :係呀~ 你都搵一次唔好跟團試吓自由行啦! 包你一試就愛上自由行啦~
回覆刪除Jamica :點解你咁快就買定晒火車飛呢? 返而欠決彈性...你都睇過我既blog啦 , 我就係因為係香港買定火車套票 ,而想係斯洛文尼亞住多日農場都唔得... 其實全世界都係暑假係旺季 ,係果時就可能要買定車票...踏入9 ,10月呢d小旺季 ,其實已經唔係太多人坐 ,何況一日咁多班車 ,我當然係建議你去到先買啦!!!
回覆刪除放心放心, 我已訂的火車飛只不過係意大利到法國, 同埋法國南部上去巴黎回程返港的火車票2程矣。 因為9月-10月法國攪緊欖球世界杯, 火車票同酒店都非常緊張所以只訂下lee 2程。 這樣的話我相信去到slovenia 先book火車飛到意大利~ 仲有想問問係, 如果去到slov想買火車飛係咪一定要到火車站先買到, 洗唔洗一定要訂飛先有得坐(like法國), 定係可以即上車比錢架? 同埋slov 你住過邊度有咩介紹, or bad list ?
回覆刪除D 鬼佬大中意在環境優美嘅歐洲呀、澳紐呀、美加呀..... 踩單車漫遊啫 ，係落後貧窮地方佢地邊敢唔風流自在踩單車 ？！你够勇，係埃及沙漢區都敢膽踩單車獨行俠，俾我連騾仔都唔敢騎 ！
回覆刪除有次我o向泰國芭提雅想搵單車踩, 不過搵來搵去都冇 ^^
回覆刪除條友都幾白痴喎，佢係咪唔明你講咩，不斷講佢自己係"engineer",好攪笑。
回覆刪除Jamica :哦 ,原來係咁... 係斯國買火車飛我唸同大部份地方一樣 ,係櫃台買完飛 ,然後上車 ,無耐就有會人黎查飛 ... 我唸黎親斯國既遊客都一定會去Beld湖區同Postojnska鐘乳洞遊覽 ,我亦都只住過呢兩度地方既B&B ,唁知你住Hotel定B&B呢? Beld湖區沿馬路既B&B都係瑞士式小屋 ,價錢合理又企理雙人房Euro $15-20 ,我就好鐘意住農場 ,唔怕悶既話可以係旅客中心介紹 ,而Postojnska的B&B就簡陋D不過勝在便宜 ,如想睇相就參閱返我既Blog斯國篇啦~
回覆刪除寶寶 : 可能我真係大膽左D瓜...不過你話你無膽 ,可能係你享受慣架 ,哈哈~ 一十一: 係呀~ 有時轉換吓旅遊方式都幾有趣架! 唔會淨係坐旅遊巴咁悶 ! bella :條友直頭低B啦!!! 以為自己係engineer就懶係野~
回覆刪除銀仔，又久未見你蒲頭了，好忙呀？....... 無嘢，過來問候下啫 ！
回覆刪除你好呀寶寶 ,啱啱 post左 Day 18
回覆刪除帝皇谷四圍都係山, 點解你識路嘅, 好勁呀!
回覆刪除[版主回覆02/22/2009 23:06:00]你講我騎騾仔去帝皇谷?
因為有個騾夫帶路嘛~
唔係呀, 之後你自己踏單車去 Temple of Hatshepsut. 跟地圖 ??
回覆刪除[版主回覆02/27/2009 16:46:00]哦～
旅遊書有果度大約既地圖，而且沿途有指示牌ＴＩＭ！
主要都係沿大馬路行咋！！！
我仲有行ｓｈｏｒｔ ｃｕｔ好叻呀～