Day 7 與Mostar美麗的遇見(波斯尼亞Mostar)

2006-10-08 Day 7 陰 
地點:波斯尼亞Mostar 
住宿:民宿 Euro$10


原本唸住凈係留薩拉熱窩一日就返回克羅地亞,不過之前係巴士度見到既風景咁靚,於是就決定去另一個城鎮"Mostar"! 屋主知道我要去Mostar後,便立即聯絡o個邊既Friend給我住宿,亦都係Euro$10 一晚,雖然呢度既屋主係怪人,我亦唸佢果度既friend都唔會好得去邊,不過無所謂啦~


瞓醒,屋主整完早餐我食後,便充當我既最後一日導遊,跟住仲送到我去巴士總站tim,見到佢咁好人,咪係等巴士時請佢飲柸野law,其間仲佢仲"溜'我傾d咸濕話題(返正都走lu),上車前仲比佢捉住"啜"左野"面珠登",嘩~想嘔...雖然話呢d係西方人既禮儀...

美麗的教堂

係地上常見既彈痕

Hoilday Inn 亦不能逃避戰火既洗禮,需然翻新過,不過頂部仍有很多子彈洞

呢度係殺人機器既墓地

烏鴉企係墓碑上,感覺份外淒涼

係搭緊巴士其間,見到有好多有馬有牛既牧場,竟然有個古怪既想法,就係想即刻跳落車住返日牧場...不過最後都無咁做,因為怕無人收留呀!

==========================================================================================
3個小時既車程,終於到左Mostar lu~
一落車見到接我既係一對廿多歲既情侶,哈哈~ 估唔到竟然係正常人
佢知我係香港人,便稱上個月有一隊來自香港既攝制隊黎過拍攝...丫...我記得係訪問某國家領事既太太,佢係香港人,我記得係鏗鏘集睇過!

屋主好好人,仲話今晚帶我去踢波;放低完d行李,自己一個人逛吓,原來呢度真係好靚,有條河蜿蜒而流過該鎮,襯托著兩旁美麗而特別既建築,仲有一座山做背景,係真正既風光如畫,山明水秀,風光明媚......真係想用盡所有形容靚景既詞語去形容Mostar呀!!!
如果有時間真係想留多一兩日呀!

任何角度都係像一幅畫,呢條橋係Mostar既著名地標

Moster既景色,我覺得絕不比Duborvnik遜色,甚至有過之而無不及

================================================================================================
尋找李小龍我到左波斯尼亞後,知道係Mostar有個李小龍銅像,身為香港人既我緊係要去睇吓啦~
行左好耐都搵唔倒,便週圍問吓人,有個好人帶左我差唔多再行多廿分鍾終於找到了,不過李小龍銅像一早已不知所蹤lu~據稱係比幾個醉酒既人同李小龍係度比武...
結果梗係李小龍輸左啦,銅像亦不知所蹤...

被戰火洗禮既大街,據稱Mostar係當年既War line

我見佢帶路搵李小龍咁好人,咪請佢食pizza(我唸係Mostar比較高級既餐廳),原來外國興叫一人一個大Pizza食woo...其實大家一直都雞同鴨講,佢連好多簡單英文都唔識,只係用Body langunge 搭夠,食完後竟然話佢老豆係打扙時死左,而阿哥又啱啱自殺,無錢為佢辦身後事...我明啦,要錢之ma...其實最初見佢時心情都好down(其實普遍既波斯尼亞人心情都唔係幾好,但係對人都好友善),不過已經請左佢食野都唔夠,枉我之前仲讚佢好無去乞錢...唉! 算啦~ 唔理佢講真定係假,咪比左Euro$10比佢law... 唔知我係咪太慷慨呢?

我就係咁靚既地方食野啦~入夜後多左份浪漫既感覺 !

我的住宿