Day 2 寧靜小漁村(馬耳他Marsaxlokk)

(Day 2) 2008-10-4 

住宿 :Euro $35
行程 :Valletta ---> Marsaxlokk


 

食早餐時傾盆大雨,心情有D灰... 好彩只係過雲雨; 食完早餐,就去買定聽晚2050去突尼斯既機票; 然後去搵今晚既住宿,因為想住吓其他既B&B。
British Hotal Euro $ 35

Day 1 初到貴境(馬耳他Velletta)

(Day 1) 2008-10-3 

住宿 : B&B Euro $36
行程 :香港-->杜拜-->馬耳他

清晨4點到左杜拜機場,係機埸搵到間買手信既舖頭勁平呀! 一棧阿拉丁神燈都只係HKD80幾蚊咋!!! 問個來自廣東既靚女售貨員,原來呢間舖係開24架!!! 咁即係可以回程先買啦~

逛吓杜拜機場才發現,呢度既售貨員有7成都係中國人黎架!!!

Day 1 前的一天...工作天

終於寫遊記啦~  Day 1 前的一天

終於寫遊記啦~  Day 1 前的一天

這天選擇返工係因為返早,放1615; 對於0035先boarding實在有太足夠既時間啦!!! 所以唔想浪費呢日假期!

今早返工一袋二袋行李,差點遲到! 放工也徬徨,因為問阿牛借返黎既pocket pc phone查唔到字典呀!!! 由於一個會考英文攞”U”既人黎講,查字典係好重要的!!!

回來了

回來了,早幾日前已回來了! 發覺原來除左旅行前唔上心外,連回來後亦一樣!

行李   從未執拾過

手信   從未打開過

照片   從未回味過

更遑論寫blog了...





今次既旅程竟然想快D完結,係我咁多次既旅行從未試過的!可能係去既時間唔啱… 未能享受到一個人流浪既心情! 呢個既旅程係應該年半前,又或者係幾個月後去應該會更佳, 但…當中仍有好多回味既地方…





一次既旅程,兩種既體驗,走遍兩個國家
兩種截然不同的地域
兩種截然不同的語言
兩種截然不同的宗教
兩種截然不同的民族
兩種截然不同的文化
兩種截然不同的飲食

 
所以…當然有兩種截然不同的體會~ 就係馬耳他&突尼西亞!

旅行準備 -- 最後召集

唔知點解,今次既旅程硬係唔上心! 最早準備既係一本全新既特區護照(我成日以為08年10月到期 ,去到入境處個職員講話我本護照09年10月先到期woo...) 正傻仔!



換歐羅

明明早幾個星期,換HKD只係$10.8,直頭係呢兩年既新低呀!!! 當時仲要係銀行都唔換... 直到出發前早兩日先急急腳去換...匯率係$11.2蝕晒!!!

寫blog呢一刻 ,原來又趺返落$10.8...唉...



資料搜集

幾乎零!  只係靠我早前做開既兩份剪報,介紹西西里同馬耳他,但從無仔細睇過!!! 又係出發早兩日先"係咁二"係網上search,print出黎仲未睇... 一切留待上機先睇...



借來的物品

阿妹既相機G7,阿牛既Diamond電話(因為有得查字典) 同事既i pod ,肥鬼既腳架... 乜都問人借! 哈哈~



今次既準備比先前既旅行一切都還少! 真唔知有乜野奇遇發生! 反正是隨意之旅 ,唔唸咁多 ! 出走吧!!!

旅行準備 -- 精挑細選MP3

講到旅行準備,不嬲我都無planning! 但當地有咩野特別既旅遊景點,點都要知既... 如果唔係,好似黎到香港,無睇到全世界最靚既夜景,咪係一種遺憾...


但...距離出發仲有十日八日咋!!! 我仍然係一D資料都未搵!只係買左介紹西西里既U magazine,不過都未睇...
既然仲未有準備,就先挑選MP3先~ 我覺得MP3對一個人的旅途上好緊要架~



我D friend成日話我平時聽D歌比較舊,又大部份都係國語歌... 哈哈~ 有個friend係樂壇尖端,只聽新既廣東歌! 我只聽好聽既歌,不份新舊,國語廣東,但本人覺得國語歌往往較廣東歌噤聽~ 今次揀既歌,大部份都係國語歌同舊歌~


次次獨自遠行前,總會揀一堆平時比較少聽,同好舊既MP3
呢D大多係陪伴我成長既歌曲,有D仲特別有意義,並夾雜D好聽既新歌,呢堆歌曲,首首都好好聽,唔需要按下一首架~



今次有D特別加插歌,係一D早前返做舊劇集既歌,以前做又唔係點睇,反而返做又覺得幾好睇,大熱係張智霖呀!!!



西關大少 -- 相愛無夢

初哥哥 -- 祝君好

衝上雲霄 -- 歲月如歌

銀仔的心情搬家

銀仔的心情已被帶到另一個鮮為人知既世界裡

從此... 這裡只有銀仔的遊歷 ,沒有銀仔的心情 !